منڈی بہاؤالدین کا مشہور کبڈی کا کھلاڑی بخار کے باعث انتقال کر گیا۔ شمریز گوندل کبڈی کھیل کر واپس اپنے گھر کو لوٹا کہ بخار ہونے کے باعث انتقال کر گیا۔
شمریز گوندل نے چھوٹی عمر میں کبڈی کھیلنا شروع کر دی اور کچھ ہی عرصے میں علاقے کا مشہور کھلاڑی بن گیا۔ وہ وقت بھی آیا جب وہ ضلع منڈی بہاؤالدین کا بہترین جاپھی سمجھا جانے لگا۔ گاؤں کی ٹیم سے، اس نے علاقائی ٹیموں میں اور ضلعی سطح پر بھی اپنے ضلع کی نمائندگی کی۔ لیکن کسی نے نہیں سوچا تھا کہ وہ اتنی جلدی اس دنیا سے رخصت ہو جائیں گے۔
کبڈی پلئیر کاشف گجر نامعلوم افراد کی فائرنگ سے شدید زخمی
یہ بات اویس احمد کا کہنا ہے جو کہ 27 سالہ نوجوان کبڈی کھلاڑی شمریز گوندل کے قریبی رشتہ دار ہیں جو گزشتہ روز اچانک انتقال کر گئے تھے۔
شمریز گوندل کا تعلق پنجاب کے ضلع منڈی بہاؤالدین کے گاؤں سندھانوالہ سے تھا۔ وہ کبڈی کے ایک بہترین کھلاڑی تھے اور بظاہر فٹ اور مضبوط جسم کے مالک تھے۔ لیکن چند روز قبل جب وہ کبڈی میچ کھیل کر واپس آئے تو انہیں بخار ہو گیا۔ کچھ دنوں تک گھر پر علاج کی کوشش کی گئی لیکن پھر ایک کے بعد ایک ہسپتال لے جایا گیا لیکن وہ جانبر نہ ہو سکے اور خالق حقیقی سے جا ملے۔
