پنجاب میں بلدیاتی الیکشن ، پہلے مرحلے میں 11میٹروپولیٹن کارپوریشنز میں جنرل کونسلرزکے انتخابات ہوں گے. منڈی بہاءالدین ڈسٹرکٹ کونسلز کے انتخابات بھی پہلے مرحلے میں ہوں گے
لاہور( نمائندہ خصوصی) الیکشن کمیشن آف پاکستان کو پنجاب حکومت نے صوبے میں بلدیاتی انتخابات کیلئے مفصل خدوخال فراہم کردیئے ہیں ۔ سیکرٹری لوکل گورنمنٹ اینڈ کمیونٹی ڈویلپمنٹ کی جانب سے پہلے مرحلے میں بلدیاتی اداروں کے ڈھانچے کی تفصیل بھی فراہم کردی گئی ہے۔
پہلے مرحلے میں لاہور، فیصل آباد، گوجرانوالہ، ملتان، راولپنڈی، سیالکوٹ، سرگودھا، بہاولپور، گجرات، ساہیوال اور ڈیرہ غازی کی میٹروپولیٹین کارپوریشنز میں جنرل کونسلرزکے انتخابات ہوں گے اس کے بعد اقلیت، خواتین، ورکرزکاشتکار، یوتھ، ٹریڈرز، معذوروں کا انتخاب عمل میں آئے گا۔
یہ بھی پڑھیں: الیکشن کمیشن نے ووٹ کے اندراج، تبدیلی یا درستگی کیلئے سنٹر قائم کر دئیے
فیصل آباد، رحیم یار خان، شیخوپورہ، قصور، سیالکوٹ، اوکاڑہ، سرگودھا، بہاؤلپور، خانیوال، جھنگ، ڈیرہ غازی خان، ٹوبہ ٹیک سنگھ، مظفر گڑھ، وہاڑی، ملتان، گجرات، ساہیوال، اٹک، راولپنڈی، راجن پور، بھکر، خوشاب، جہلم، لیہ، نارووال، لودھراں، گوجرانوالہ، منڈی بہاؤالدین، میانوالی، چنیوٹ، ننکانہ صاحب، پاکپتن، کوٹ ادو، تلہ گنگ اور مری کی ڈسٹرکٹ کونسلز کے انتخابات بھی پہلے مرحلے میں ہوں گے۔
سیکرٹری لوکل گورنمنٹ کی طرف سے صوبے کے تمام ڈسٹرکٹ کمشنروں کو الیکشن کمیشن کو علاقوں کے نقشہ جات فراہم کرنے کی ہدایت کردی گئی ہے۔
