منڈی بہاءالدین ( ایم۔بی۔ڈین نیوز 11 ستمبر 2025 ) وزیر اعلی پنجاب مریم نواز شریف کی ہدایت اور ڈپٹی کمشنر ڈاکٹر فیصل سلیم کی سربراہی میں محکمہ لائیو سٹاک سیلاب متاثرین کیلئے روزانہ کی بنیاد پر فیلڈ میں مصروف عمل ہے ۔
محکمہ لائیو سٹاک کی جانب سے سیلاب سے متاثرہ علاقوں میں 4 امدادی کیمپس فعال کئے گئے ہیں جبکہ 4 موبائل ویٹرنری ڈسپنسری کی گاڑیاں سیلاب سے متاثرہ علاقوں میں کام کر رہی ہیں۔ محکمہ لائیو سٹاک کے 41 ملازمین نے متاثرین کے ڈیرہ جات پر جاکر اب تک 14 ہزار 968 سے زائد جانوروں کو ویکسین لگائی جبکہ 7 ہزار 79 جانوروں کو علاج معالجہ کی سہولیات بھی فراہم کی گئی ہیں۔
امدادی کیمپس پر جانوروں کیلئے ادویات، ویکسین، ونڈہ اور چارے کی وافر مقدار کو بھی یقینی بنایا جا رہا ہے۔سیلاب سے متاثرہ 78 گاﺅں میں جانوروں کیلئے ابتک 88 ٹن ونڈا، 2.88 ٹن سائلیج، 3.97 ٹن توڑی اور 41.6 ٹن سبز چارہ تقسیم کیا گیا ہے۔
