جمعرات کی صبح گوجرانوالہ میں دو دھماکوں کی آوازیں سنی گئیں جس کے بعد کینٹ کے علاقے میں نصب ایئر ڈیفنس سسٹم کو چالو کر کے بھارتی ڈرون کو نشانہ بنا کر مار گرایا۔
عسکری ذرائع کے مطابق یہ آوازیں اس وقت سنی گئیں جب ایک بھارتی ڈرون نے انتہائی بلندی پر پرواز کرتے ہوئے پاکستانی حدود میں داخل ہونے کی کوشش کی جسے گوجرانوالہ کینٹ کے فضائی دفاعی نظام نے فوری کارروائی کرتے ہوئے مار گرایا۔
ذرائع کا کہنا ہے کہ ڈرون شہر کی فضائی حدود میں داخل ہوا تو چھاؤنی کے علاقے میں نصب فضائی دفاعی نظام نے فوری جوابی کارروائی کرتے ہوئے اسے نشانہ بنایا۔ عسکری ذرائع کے مطابق یہ کارروائی گوجرانوالہ کینٹ کے قریب کی گئی۔
بھارت پر نظر رکھنے کے لیے پاکستان کا پہلا لانگ رینج تک مار کرنے والا ریڈار تیار
ذرائع کے مطابق بھارتی ڈرون بہت اونچی پرواز کر رہا تھا اور گوجرانوالہ کینٹ کے قریب آ رہا تھا کہ ائیر ڈیفنس سسٹم کو چالو کیا گیا اور ڈرون کو ائیر ڈیفنس سسٹم کی جانب سے فائر کیے گئے دو گولیاں مار گرایا گیا۔
پولیس ذرائع کے مطابق ڈرون گجرات کے قریبی گاؤں ڈنگہ کے قریب گر کر تباہ ہوا۔ ڈرون کے ملبے کی اطلاع ملتے ہی پولیس سمیت قانون نافذ کرنے والے اداروں نے موقع پر پہنچ کر گاؤں پیر جھنڈ کے کھیتوں سے ملبہ برآمد کر لیا، جس سے ڈرون کی ساخت کا تعین کرنے کے لیے مزید تفتیش کی جا رہی ہے۔ تاہم کسی جانی نقصان کی کوئی اطلاع نہیں ہے۔
