ڈی اے پی بوران فرٹیلائزر کی افتتاحی تقریب لکی ٹریڈرز غلہ منڈی، منڈی بہاوالدین میں منعقد ہوئی۔ افتتاحی تقریب میں ایف ایف سی مارکیٹنگ آفیسر فرحان غوری، صدر انجمن کھاد (عظیم ٹریڈرز)خواجہ ساجد، ملت ٹریڈرز ملک عاطف سمیت کاشتکاروں نے بھی شرکت کی۔
منڈی بہاوالدین (ایم.بی.ڈین نیوز 24اپریل 2024 ) اس موقع پر لکی ٹریڈرز میاں دانش ندیم کا کہنا تھا کہ فوجی فرٹیلائزر کمپنی نے پاکستان میں پہلی بار سونا بوران ڈی اے پی متعارف کروا دی ہے جو کہ پاکستان بھر سمیت ضلع منڈی بہاوالدین میں بھی دستیاب ہو گی۔
Khad Rate In Pakistan Today – DAP Fertilizer Price In Pakistan
انہوں نے سونا ڈی اے پی بوران کی افادیت کے بارے میں بتاتے ہوئے بتایا کہ ڈی اے پی کی کھاد کی طاقت کو برقرار رکھتے ہوئے اس میں بوران کی ویلیو ایڈیشن کی گئی ہے۔ سونا بوران ڈی اے پی کی کھاد سے نہ صرف نائٹروجن اور فارسفورس مہیا ہوگی بلکہ بوران کی اضافی طاقت کو بھی شامل کیا گیا ہے۔
ان نے مزید بتایا کہ سونا بوران ڈی اے پی کے استعمال سے فصلوں کی جڑوں کی نشوونما اور اچھے جڑ کے ساتھ ساتھ بوران کی اضافی طاقت سے سٹوں کی لمبائی اور دانوں کی تعداد میں بھی خطر خواہ اضافہ ہوگا۔ ایف ایف سی مارکیٹنگ آفیسر فرحان غوری کا کہنا تھا کہ بوران کو پاکستان کی زمینوں میں 60 فیصد کمی کی وجہ سے ڈی اے پی میں شامل کیا گیا ہے اور یہ باقی اجزاء کے ساتھ مطابقت بھی رکھتا ہے۔ جس سے اب فصلوں کی پیداوار میں مزید اضافہ ہوگا اور کسان خوشحال ہوگا۔
