آئی جی پنجاب ڈاکٹر عثمان انور پولیس شہداء کے اہل خانہ کی بہترین ویلفیئر کیلئے سرگرم عمل, فرض کی راہ میں جان قربان کرنے والے ایک اور پولیس جوان کی فیملی کو گھر دے دیا۔
منڈی بہاؤالدین کے شہید کانسٹیبل محمد شبیر کے اہل خانہ کو پسند کے مطابق شالیمار ٹاﺅن پھالیہ میں تمام سہولیات سے آراستہ ایک کروڑ 35 لاکھ روپے مالیت کا 04 مرلے کا گھر خرید کر فراہم کیا گیا۔ کانسٹیبل محمد شبیر نے گذشتہ برس فروری میں تھانہ بھاگٹ منڈی بہاؤالدین کی حدود میں خاتون کی جان بچانے کے دوران جام شہادت نوش کیا تھا۔
سرکاری اعزاز کیساتھ شہید کانسٹیبل کی نماز جنازہ ادا کر دی گئی
پنجاب پولیس اپنے بہادر فرزند کی قربانی کو کبھی فراموش نہیں کرے گی، شہداء کے اہلخانہ اور غازیوں کی بہترین ویلفیئر کیلئے ہر ممکن اقدامات جاری رہیں گے۔ آئی جی پنجاب ڈاکٹر عثمان انور
