حج درخواست کے ساتھ دو لاکھ روپے جمع کرانے ہوں گے۔ دوسری قسط قرعہ اندازی کے بعد وصول کی جائے گی۔ حج کے بقیہ واجبات یکم سے 10 فروری تک ادا کرنے ہوں گے۔
ترجمان مذہبی امور کے مطابق سرکاری حج سکیم کا کوٹہ 89 ہزار 605 ہے۔ بیرون ملک مقیم پاکستانیوں کے لیے اسپانسر شپ اسکیم کے لیے 5،000 نشستیں مختص ہیں۔ بیرون ملک سے امریکی ڈالر میں یکمشت ادائیگی کرنی ہوگی۔
حج پالیسی 2025 کے اخراجات کی تفصیلات سامنے آگئیں
ترجمان کے مطابق بینک برانچز کی کارکردگی کو وزارت کے ڈیش بورڈ پر براہ راست مانیٹر کیا جائے گا۔ خواتین عازمین حج سرپرست کی اجازت سے کسی قابل اعتماد گروپ کے ساتھ محرم کے بغیر سفر کر سکیں گی۔ اضافی سہولیات میں علیحدہ خاندانی کمرے اور قربانی کی سہولت شامل ہوگی۔
سرکاری حج پیکج میں ہوائی ٹکٹ، کھانا، تربیت، اسکول اور ویکسین شامل ہیں۔وزارت مذہبی امور کے مطابق سنگین اور پیچیدہ امراض میں مبتلا افراد کو حج کی اجازت نہیں ہوگی۔ایڈوانس اسٹیج کی حاملہ خواتین حج نہیں کر سکیں گی۔
12 سال سے کم عمر کے بچے حج نہیں کر سکیں گے۔ درخواست گزار حج ہیلپ لائن، ویب سائٹ، موبائل ایپ اور آفیشل سوشل میڈیا اکاؤنٹس سے رہنمائی حاصل کر سکیں گے۔
