ڈپٹی کمشنر تسنیم علی خاں نے ممبر قومی اسمبلی حاجی امتیاز احمد چوہدری کے ہمراہ سٹی ہسپتال منڈی بہاوالدین کا باقاعدہ افتتاح کر دیا ہے ، اس موقع پر سی ای او ہیلتھ ڈاکٹر محمد عابد یوسف، ڈسٹرکٹ ہیلتھ آفیسرز ڈاکٹر شکیل اقبال بٹ، ڈاکٹر محمد افتخار، ڈاکٹر شکیل نذر، ایم ایس ڈی ایچ کیو ڈاکٹر قمر الزمان، ایم ایس سٹی ہسپتال ڈاکٹر عظیم الدین، ڈاکٹر صاحبان اور دیگر افسران بھی موجود تھے۔
منڈی بہاﺅالدین ( ایم.بی.ڈین نیوز 15دسمبر 2022) ڈپٹی کمشنر نے افتتاحی تقریب سے خطاب کر تے ہوئے کہاکہ شہر کی عوام کو بہترین طبی سہولیات کی فراہمی کے پیش نظر پرانے ڈی ایچ کیو ہسپتال کو فنکشنل کر کے سٹی ہسپتال کا درجہ دے دیا گیا ہے ،اس ہسپتال میںٹی ایچ کیو لیول کی تمام طبی سہولیات مہیا کی جائیں گی ۔جس میں جنرل او پی ڈی، سرجری او پی ڈی، ایمرجنسی، فارمیسی، حفاظتی ٹیکہ جات، گائنی ، ڈائیلائسز، فزیو تھراپی، بلڈ بنک، وارڈز، ایکسرے اور لیبارٹری کی سہولیات موجود ہوں گی۔ ان سروسز کے علاوہ دیگر سہولیات بھی اگلے ڈیڑھ ماہ تک فعال کر دی جائیں گی ۔
ڈپٹی کمشنر نے کہاکہ حکومت پنجاب نے طبی سہولیات کے دائرہ کار کو بڑھا کر ڈاکٹرز اور معاون عملہ کی تعداد میں اضافہ کے ساتھ ساتھ ایک خطیر رقم سے ہسپتال میں نئے بلاکس کا اضافہ اور نئی مشینری بھی خریدی گئی ہے۔انہوں نے کہاکہ حکومت پنجاب صحت کے شعبہ میں مثالی کام کر رہی ہے ، منڈی بہاوالدین شہر کی عوام کی طبی ضروریات کو مد نظر رکھتے ہوئے اس ہسپتال کا دائرہ کار بڑھایا گیا ہے۔
اس موقع پر ممبر قومی اسمبلی حاجی امتیاز احمد چوہدری کا کہناتھا کہ سٹی ہسپتال کوپنجاب حکومت کی طرف سے اپ گریڈیشن کیلئے کروڑوں روپے کے بجٹ کی فراہمی کا مقصد شہری آبادی کو صحت عامہ کی بہترین سہولتوں کی فراہمی کو یقینی بنانا ہے۔پاکستان تحریک انصاف کی حکومت صحت کے شعبے کی ترقی کیلئے مثالی کام کر رہی ہے ،ہسپتال میں مریضوں کے لئے تمام ضروری ادویات اور طبی سہولیات مفت فراہم کی جائیں گی ۔
