ملک کے مختلف شہروں میں تیز ہواؤں اور گرج چمک کے ساتھ بارش کی پیشگوئی

گرمی کے ستائے لوگوں کے لیے خوشخبری۔ محکمہ موسمیات نے پنجاب، بالائی خیبرپختونخوا اور آزاد کشمیر کے مختلف علاقوں میں بارش کا امکان ظاہر کیا ہے۔

محکمہ موسمیات کے مطابق سندھ کے وسطی اور جنوبی علاقوں میں طوفان کا امکان ہے۔ سندھ کے ساحلی علاقوں میں گرج چمک کے ساتھ بارش کی پیشگوئی۔ اسلام آباد، خضدار، ژوب اور گردونواح میں تیز ہواؤں اور گرج چمک کے ساتھ بارش کی پیشگوئی کی گئی ہے۔

سیالکوٹ، نارووال، لاہور، قصور، اوکاڑہ، گوجرانوالہ، گجرات اور منڈی بہاؤالدین میں بھی بارش کا امکان ہے۔ سرگودھا، فیصل آباد، جھنگ، بھکر، لیہ، راولپنڈی، اٹک، جہلم، چکوال، مری، ایبٹ آباد، بالاکوٹ، مالاکنڈ، پشاور، مردان، صوابی، نوشہرہ، کوہاٹ اور وزیرستان میں بھی بارش کی پیشگوئی کی گئی ہے۔