منڈی بہاءالدین (ڈسٹرکٹ رپورٹر) نواحی علاقے نین رانجھا میں بجلی کے ٹرانسفارمر اوور لوڈ ہونے کی وجہ سے ہر سال گرمیوں کا موسم شروع ہوتے ہی خراب ہو جاتے ہیں۔
ٹرانسفارمر اتنے پرانے اور بوسیدہ ہیں کہ کسی بھی وقت بہت بڑا حادثہ پیش آسکتا ہے، جس کی وجہ سے علاقے بھر کے گھروں میں آگے لگنے اور بجلی سے چلنے والے آلات کے جلنے کا خدشہ ہے۔ اہل علاقہ نے ایکس ای این پھالیہ اور ایس ای منڈی بہاءالدین سے بجلی کے لوڈ کے مطابق نئے ٹرانسفارمر لگانے کا مطالبہ کیا ہے۔
گزشتہ روز بھی جنوبی محلے کا ٹرانسفارمر خراب ہو گیا تھا جس کی بجلی مسلسل 12 گھنٹے بند رہنے کے بعد ٹرانسفارمر ری پیئر کروا کے بحال کی گئی۔ اہل علاقہ شدید گرمی کے موسم میں پانی کی بوند بوند کو ترس گئے۔ نین رانجھا کے شہریوں نے واپڈا حکام سے جلد از جلد نئے ٹرانسفارمر لگانے کا مطالبہ کیا ہے۔
0
Happy
0
Sad
0
Annoyed
0
Surprised
0
infected
