وزیراعلیٰ پنجاب، چیف سیکرٹری پنجاب اور کمشنر گوجرانوالہ کی خصوصی ہدایت پر ڈپٹی کمشنر شاہد عمران مارتھ نے عوام الناس کو بہترین طبی سہولیات کی فراہمی کیلئے ایک اور سنگ میل عبور کر لیا
منڈی بہاوالدین، 09 جنوری 2024( ایم.بی.ڈین نیوز) تفصیلات کے مطابق ڈپٹی کمشنر شاہد عمران مارتھ نے ڈسٹرکٹ ہیڈکوارٹر ہسپتال میں ای این ٹی آپریشن تھیٹر اور وارڈ کا افتتاح کر دیا ،اب ناک کان اور گلے کے تمام امراض کے آپریشن ڈی ایچ کیو ہسپتال میںکنسلٹنٹ ای این ٹی سرجن کریں گے۔
منڈی بہاوالدین میں پہلی مرتبہ سرکاری سطح پر مفت ای این ٹی آپریشن کا آج سے آغاز کر دیا گیا ہے ۔اس موقع پر ڈپٹی کمشنر شاہد عمران مارتھ کا کہنا تھا کہ ضلع کی عوام کو بہترین طبی سہولیات کی فراہمی کے پیش نظر ڈسٹرکٹ ہیڈکوارٹر ہسپتال میں ای این ٹی آپریشن تھیٹر اور وارڈکو فعال کر دیا گیا ہے، جس سے کوالٹی آف سروس مزید بہتر ہو جائے گی۔
اس موقع پر ایم ایس ڈاکٹر خالق داد نسوانہ ، کنسلٹنٹ ای این ٹی سرجن ڈاکٹر مدثر حسین رانجھا سمیت دیگر افسران و ڈاکٹر موجود تھے۔
