منڈی بہاءالدین (ملک رؤف زبیر)منڈی بہاءالدین اور گرد و نواح میں بجلی اور گیس کی لوڈشیڈنگ نے عوام کی زندگی اجیرن بنا دی ہے۔ گرمی کے شدت بھرے دنوں میں بجلی کی طویل بندش نے شہریوں کو اذیت میں مبتلا کر رکھا ہے، جب کہ گیس کی عدم فراہمی نے گھریلو صارفین کو سخت پریشانی میں ڈال دیا ہے۔
شہریوں کے مطابق نہ دن کو سکون ہے نہ رات کو آرام۔متعدد علاقوں میں روزانہ 4 سے 6 گھنٹے کی بجلی کی بندش ہو رہی ہے، جبکہ بعض علاقوں میں تو یہ دورانیہ اس سے بھی زیادہ ہو چکا ہے۔گیس صبح اور شام کے اوقات میں بالکل بند کر دی جاتی ہے، جس کی وجہ سے گھریلو خواتین کو کھانے پکانے میں شدید دقت کا سامنا ہے۔
منڈی بہاءالدین، پھالیہ اور ملکوال میں جولائی 2025 کیلئے لوڈشیڈنگ کا شیڈول جاری
تاجر برادری، طلبہ، مریض اور محنت کش طبقہ سب ہی اس صورتحال سے متاثر ہو رہے ہیں۔ بجلی نہ ہونے سے کاروباری سرگرمیاں ماند پڑ گئی ہیں،ہسپتالوں کا نظام بھی متاثر ہو رہا ہے۔شہریوں نے حکومت اور متعلقہ محکموں سے مطالبہ کیا ہے کہ لوڈشیڈنگ کے اس سلسلے کو کنٹرول کیا جائے اور عوام کو ریلیف فراہم کیا جائے، ورنہ احتجاج کا راستہ اپنایا جائے گا۔
