منڈی بہاوالدین میں جشن عید میلاد النبی ﷺ عقیدت و احترام کے ساتھ منایا جا رہا ہے

منڈی بہاوالدین( ایم.بی.ڈین نیوز 29ستمبر 2023 ) ملک بھر کی طرح ضلع منڈی بہاوالدین میں بھی جشن عید میلاد النبیﷺ عقیدت و احترام کے ساتھ منایا جا رہا ہے۔ ضلع بھر کی گلیوں، مسجدوں، گھروں اور سرکاری و نجی عمارتوں کو جھنڈیوں اور برقی قمقموں سے سجایا گیا ہے۔

ڈپٹی کمشنر شاہد عمران مارتھ اور ڈسٹرکٹ پولیس آفیسر رضا صفدر کاظمی نے عید میلاد النبی کے مرکزی جلوس میں شرکت کی۔ اس موقع پر ضلعی انتظامیہ کے دیگر افسران بھی موجود تھے۔ ڈپٹی کمشنر اور ڈی پی او نے جلوس کے شرکاء کو پھولوں کے ہار پہنا کر خوش آمدید کہا اور جلوس کے ساتھ پیدل چلتے ہوئے انتظامات کا جائزہ بھی لیا۔

اس موقع پر ان کا کہنا تھا کہ ضلع بھر کے جلوسوں کی سکیورٹی کے لیے خصوصی انتظامات کئے گئے ہیں۔