وزیر اعلی پنجاب مریم نوازشریف کی ہدایت پر ڈپٹی کمشنر شاہد عمران مارتھ نے نوشکی بلوچستان میں دہشت گردی کا نشانہ بننے والے منڈی بہاوالدین کے موضع چک فتح شاہ سے تعلق رکھنے والے 6 نوجوانوں کے ختم قل شریف میں شرکت کی اور ان کے درجات بلندی کیلئے دعا کی۔
منڈی بہاوالدین ( ایم.بی.ڈین نیوز 16 اپریل 2024) قل شریف میں ضلعی افسران،پولیس اور علاقہ معززین نے بڑی تعداد میں شرکت کی۔ ڈپٹی کمشنر نے سوگوار خاندانوں سے اظہار تعزیت کرتے ہوئے ورثاء سے گہرے دکھ، رنج و غم اور افسوس کا اظہار کیا ہے۔ انکے ساتھ ہر قسم کے تعاون کی یقین دہانی بھی کرائی۔
سانحہ نوشکی میں جاں بحق 6 افراد کی نماز جنازہ ادا کر دی گئی
ڈپٹی کمشنر نے جانبحق ہونے والوں کے لواحقین میں مالی امداد کے چیکس بھی تقسیم کئے۔ ڈپٹی کمشنر کا کہنا تھا کہ حکومت پنجاب اور ضلعی انتظامیہ متاثرہ خاندانوں کے غم میں برابر کی شریک ہیں اور ان خاندانوں کو ہر طرح سے قانونی و مالی امداد فراہم کی جا رہی ہے۔
ڈپٹی کمشنر کا کہنا تھا کہ جوان اولاد کا دکھ انتہائی تکلیف دہ ہے، ہماری دعائیں سوگوار خاندانوں کے ساتھ ہیں۔ ہم بے بسی کے اس عالم میں یہ دعا کرتے ہیں کہ اللہ تعالیٰ لواحقین کو صبر جمیل عطا کرے اور اس افسوسناک سانحہ میں جانبحق ہونے والوں کی بخشش فرمائے۔
