pp 67

ڈپٹی کمشنر کا گوجرہ ، وڑیائیت، میانہ گوندل، ڈفر اور 28 چک میں جاری ترقیاتی منصوبوں کا دورہ

ڈپٹی کمشنر تسنیم علی خاں نے ہائی ویز اور پبلک ہیلتھ کی ترقیاتی سکیموں میں پیشرفت کے حوالے سے گوجرہ ، وڑیائیت، میانہ گوندل، ڈفر اور 28 چک کا دورہ کیا، اس موقع پر ایڈیشنل ڈپٹی کمشنر فنانس حافظ غلام مرتضیٰ، ایکسیئن ہائی وے رانا اقبال اور دیگر متعلقہ محکموں کے افسران بھی موجود تھے۔

منڈی بہاوالدین (ایم.بی.ڈین نیوز 02دسمبر 2022) اپنے دورے کے دوران انہوں نے مختلف منصوبوں کا تفصیلی جائزہ لیا، ڈپٹی کمشنر نے ان ترقیاتی منصوبوں پر فزیکل اور فنانشل پراگرایس رپورٹس کا بھی معائنہ کیا۔انہوں نے ہدایت کی کہ جاری ترقیاتی سکیموں کی دوران تکمیل ان کے وقتاً فوقتاً معائنے کو یقینی بنایا جائے۔

یہ بھی پڑھیں: ڈپٹی کمشنر کا حلقہ پی پی 67 میں جاری ترقیاتی منصوبوں کا دورہ

انہوں نے کہاکہ صوبائی حکومت ترقیاتی سکیموں کیلئے ہر ممکن وسائل فراہم کر رہی ہے تا کہ مربوط ترقی کے خواب کی تعبیر کو پورا کیا جا سکے، اگر کسی جگہ فنڈز کی کمی بیشی یا دیگر رکاوٹیں حائل ہیں تو ان کو اعلیٰ حکام کے نوٹس میں لا کر فوراً ترقیاتی اسکیموں کو مکمل کیا جائے۔ موجودہ حکومت کی اولین ترجیح عوام الناس کی فلاح وبہبود کیلئے کام کرنا ہے، جس کیلئے تمام متعلقہ محکمے ذمہ داری کا مظاہرہ کریں کیونکہ جتنی جلدی ترقیاتی منصوبہ جات مکمل ہوں گے عوام اتنا ہی جلد مستفید ہو گی۔

انہوں نے ضروری ہدایات جاری کرتے ہوئے کہا کہ فنڈز کے اجراءکے بعد ترقیاتی محکموں کے سربراہان جاری منصوبوں کے تمام پہلوﺅں پر کڑی نظر رکھیں تا کہ شہری سہولیات کی فراہمی کو یقینی بنانے کے لیے منظم منصوبہ بندی کے تحت ٹیم ورک کے تحت مطلوبہ نتائج کا حصول ممکن بنایا جائے۔

اپنا تبصرہ بھیجیں