سرائے عالمگیر منڈی بہاؤالدین روڈ پر وین، کیری ڈبہ اور موٹر سائیکل میں تصادم، ایک جاں بحق، 13 زخمی

مسافر وین، کیری ڈبہ اور موٹر سائیکل میں تصادم کے نتیجے میں ایک شخص جاں بحق اور 8 بچوں اور خواتین سمیت 13 افراد زخمی ہو گئے۔

سرائے عالمگیر (نامہ نگار)بتایا گیا ہے کہ نصیر احمد سکنہ جہلم، سرائے عالمگیر میں زیر تعمیر منڈی بہاؤالدین روڈ پر مسافر وین کیری ڈبہ اور موٹر سائیکل کے درمیان خوفناک تصادم میں جان کی بازی ہار گیا۔

جبکہ 8 بچوں اور خواتین سمیت 13 زخمی ہوئے جن میں سے 4 کی حالت تشویشناک ہے۔ ریسکیو ذرائع کے مطابق حادثہ تیز رفتاری کے باعث پیش آیا۔