ڈپٹی کمشنر کی ہدایت پر سی ای او ہیلتھ ڈاکٹر محمد عابد یوسف نے رورل ہیلتھ سنٹر چیلیانوالہ کا اچانک دورہ کیا، اپنے دورے کے دورے انہوں نے سٹاف کی حاضری کو چیک کیا جو کہ تمام سٹاف حاضر پایا گیا اور ڈیوٹی روسٹر نمایاں جگہ پر آویزاں تھا۔
منڈی بہاﺅالدین ( ایم.بی.ڈین نیوز 23نومبر 2022) انہوں نے سٹاف کو بائیو میٹرک حاضری لگانے کی ہدایت کی۔ او پی ڈی اور لیبر روم کے مریضوں کا ڈیٹا بھی آن لائن پایا گیا، انہوں نے کہا کہ حکومتی ہدایت کے مطابق کسی بھی مریض کا ڈیٹا فوری آن لائن کیا جائے ۔انہوں نے موقع پر موجود ڈاکٹر صاحبان اور طبی عملہ کو علاج معالجہ سے قبل طبی آلات کی صفائی کو یقینی بنانے کی بھی ہدایت کی ۔
سی ای او ہیلتھ نے ای پی آئی روم کا بھی معائنہ کیا ۔ جو کہ تمام ویکسین کولڈ سٹور میں موجود تھیں۔اس موقع پر سی او ہیلتھ ڈاکٹر محمد عابد یوسف نے کہا کہ حکومت جتنے وسائل اس وقت ہیلتھ سیکٹر پر خرچ کر رہے ہیں اس کی ماضی میں مثال نہیں ملتی۔ہسپتالوں کے لئے جتنے فنڈز مانگے جائیں فوراً مل جاتے ہیں۔
صحت پر اتنے زیادہ فنڈز خرچ کرنا اس بات کا واضح ثبوت ہے کہ حکومت شعبہ صحت کو کتنی زیادہ اہمیت دیتی ہے۔ آج طبی سہولتوں کے باعث زیادہ آمدنی والے افراد بھی سرکاری ہسپتالوں کو رخ کر رہے ہیں۔
