ذرائع کے مطابق وفاقی حکومت نے پہلے نئے بجٹ کے لیے 2 جون کی تاریخ مقرر کی تھی جسے اب تبدیل کر کے 10 جون کر دیا گیا ہے۔
حکومت نے آئی ایم ایف سے مذاکرات اور عید کی چھٹیوں کے پیش نظر تاریخ میں توسیع کا فیصلہ کیا ہے۔رواں مالی سال کا قومی اقتصادی سروے 9 جون کو جاری کیا جائے گا.
آئی ایم ایف سے مذاکرات کا آج آخری دن تھا تاہم بجٹ مذاکرات میں اہداف کو حتمی شکل نہیں دی گئی۔
سنٹرل ڈائریکٹوریٹ آف نیشنل سیونگز حکومت پاکستان کے زیر اہتمام 100 اور 1500 روپے کے قومی انعامی بانڈز کی قرعہ اندازی 15 مئی 2025 بروز جمعرات کراچی اور سیالکوٹ میں ہوگی۔
1500 روپے کے قومی انعامی بانڈ کا پہلا انعام 30 لاکھ روپے، دوسرا انعام 10 لاکھ روپے کے تین انعامات اور 18500 روپے کے 1696 انعامات رکھے گئے ہیں۔
100 روپے والے بانڈ کا پہلا انعام 7 لاکھ روپے، دوسرا انعام 2 لاکھ روپے کے تین انعامات اور تیسرا انعام 1000 روپے کے 1199 انعامات ہیں۔
پاکستانی روپیہ 16 ماہ کی کم ترین سطح پر آگیا۔ کاروباری ہفتے کے آغاز پر ڈالر کی قیمت میں اضافے کا سلسلہ جاری رہا۔ اسٹاک مارکیٹ بھی مندی کی لپیٹ میں رہی۔
انٹربینک مارکیٹ میں آج روپے کے مقابلے ڈالر کی قدر میں اضافہ ریکارڈ کیا گیا۔ کاروباری ہفتے کے پہلے روز انٹربینک مارکیٹ میں امریکی کرنسی کی قدر میں 10 پیسے کا اضافہ ریکارڈ کیا گیا جس کے باعث انٹربینک مارکیٹ میں ڈالر 281 روپے 7 پیسے پر بند ہوا۔
اوپن کرنسی مارکیٹ میں بھی ڈالر 07 پیسے اضافے سے 282.78 روپے پر بند ہوا۔ دوسری جانب کاروباری ہفتے کے آغاز پر اسٹاک مارکیٹ بھی مندی کی لپیٹ میں رہی جس کے باعث سرمایہ کاروں کو اربوں کا نقصان اٹھانا پڑا۔ میڈیا رپورٹس کے مطابق پیر کو کاروباری ہفتے کے آغاز پر اسٹاک مارکیٹ میں ابتدائی طور پر تیزی دیکھی گئی جو بعد میں مندی میں تبدیل ہوگئی۔
پاکستان پیپلز پارٹی کے سینئر رہنما ندیم افضل چن نے گندم کے حوالے سے ممکنہ بحران پر تشویش کا اظہار کیا ہے۔ ندیم افضل چن نے کہا کہ آج کل سوشل میڈیا پر یہ بات گردش کر رہی ہے کہ ایک من گندم کی قیمت ایک پیزا کی قیمت کے برابر ہو گئی ہے۔
حکومتی پالیسی کی وجہ سے کسان کی گندم کوئی نہیں خرید رہا۔ گندم کی قیمت دو ہزار روپے تک آگئی۔ کسان گندم اگانا چھوڑ دے گا۔ اگر کسان گندم نہیں اگاتا تو 2 سے 3 کھرب روپے کی گندم باہر سے درآمد کرنی پڑے گی۔
پنجاب میں گندم کی قیمت گر گئیں
دوسری جانب خیبرپختونخوا کے مشیر خزانہ اور بین الصوبائی رابطہ مزمل اسلم نے گندم کی قیمت، ملکی شرح نمو اور پیٹرولیم کی قیمتوں پر ردعمل کا اظہار کرتے ہوئے کہا ہے کہ گندم کی قیمت میں 100 روپے فی من کمی سے پورے ملک کے کسانوں کو 75 ارب روپے کا نقصان ہوا ہے، جبکہ پنجاب کے کسانوں کو 75 ارب روپے کا نقصان ہوا ہے۔
مزمل اسلم نے کہا ہے کہ موجودہ قیمت پر کسانوں کو فی من 1200 روپے کا نقصان ہو رہا ہے جو کہ پنجاب کے کسانوں کا 600 ارب روپے اور باقی ملک کے کسانوں کا 300 ارب روپے بنتا ہے۔
عالمی منڈی میں خام تیل کی قیمتوں میں کمی کے پیش نظر ملک میں پیٹرولیم مصنوعات آٹھ روپے پچاس پیسے فی لیٹر تک سستی ہونے کا امکان ہے۔
رپورٹ کے مطابق وفاقی حکومت اوگرا کی سفارشات کے بعد قیمتوں کا فیصلہ آج کرے گی۔ 16 اپریل سے پیٹرول کی فی لیٹر قیمت میں 8 روپے 50 پیسے کمی کا امکان ہے۔ اس کے علاوہ ہائی اسپیڈ ڈیزل اگلے 15 دنوں تک 6.96 روپے سستا ہونے کا امکان ہے۔
رپورٹ کے مطابق مٹی کا تیل 7.47 روپے اور لائٹ ڈیزل 7.21 روپے سستا ہو سکتا ہے۔ اوگرا قیمتوں سے متعلق حتمی تجاویز آج حکومت کو بھجوائے گا۔ وزارت خزانہ وزیراعظم سے مشاورت کے بعد قیمتوں کا نوٹیفکیشن جاری کرے گی۔
ذرائع کے مطابق حکومت ٹیکس کی شرح میں اتار چڑھاؤ کر کے تجاویز میں تبدیلی کا آپشن بھی استعمال کر سکتی ہے۔ یاد رہے کہ گزشتہ ماہ مارچ میں حکومت نے پیٹرولیم لیوی کی شرح میں اضافہ کیا تھا۔ گزشتہ ماہ پٹرولیم کی قیمتیں برقرار رکھتے ہوئے بجلی پر ریلیف کا اعلان بھی کیا گیا تھا۔
پاکستان میں پیٹرولیم مصنوعات کی قیمتوں میں 12 روپے فی لیٹر کمی کا امکان ہے۔ میڈیا رپورٹس کے مطابق ذرائع کا کہنا ہے کہ عالمی مارکیٹ میں برینٹ کروڈ آئل کی قیمت میں کمی کا سلسلہ جاری ہے جس کے باعث برینٹ خام تیل 60.12 ڈالر فی بیرل کی سطح پر پہنچ گیا ہے۔
یکم اور 2 اپریل کو برینٹ خام تیل کی قیمت 74.95 ڈالر فی بیرل تھی۔ 2 اپریل سے برینٹ کروڈ آئل کی قیمت میں 14 ڈالر فی بیرل سے زیادہ کی کمی ہوئی ہے۔عالمی مارکیٹ میں مسلسل گراوٹ کے پیش نظر جی ایس ٹی کی شرح میں بھی اضافہ کیا جا سکتا ہے۔
دوسری جانب عالمی مارکیٹ میں سونے کی قیمت میں اتار چڑھاؤ کا سلسلہ جاری ہے۔ عالمی منڈی میں سونے کی قیمتوں میں اضافے کے باعث پاکستان میں بھی قیمتوں میں نمایاں اضافہ ہوا ہے۔میڈیا رپورٹس کے مطابق عالمی مارکیٹ میں سونے کی قیمتوں میں اضافے کے باعث پاکستان میں بھی سونے کی قیمت میں اضافہ ہوا ہے۔
پنجاب میں گندم کی قیمتیں گر گئیں۔ حکومت کی جانب سے گندم کی امدادی قیمت مقرر نہ کرنے کی وجہ سے فی من گندم کی قیمت 2100 روپے سے 2300 روپے تک گر گئی ہے۔
عید کے بعد پنجاب کی گندم کی منڈی میں آنے والی نئی فصل کی قیمت کریش کر گئی ہے۔ میڈیا رپورٹس کے مطابق سندھ کی گندم کی فصل مارکیٹ میں آنے کے بعد پنجاب کے کسانوں کے لیے اپنی گندم کی فصل کی مناسب قیمت حاصل کرنا انتہائی مشکل ہو گیا ہے۔
حکومت کی جانب سے گندم کی امدادی قیمت مقرر نہ کرنے کے فیصلے سے بھی گندم کی قیمت میں کمی آئی ہے۔ اس وقت پنجاب میں کسانوں کو 2،100 روپے سے 2،300 روپے فی من گندم کی قیمت ادا کی جا رہی ہے۔
مرکزی کسان تحریک نے حکومت کی جانب سے گندم کی امدادی قیمت کا اعلان کرنے میں ناکامی اور کھلی منڈی میں 2،300 روپے فی من گندم کی فروخت کی شدید مذمت کی ہے۔
اپنے بیان میں مرکزی کسان تحریک کے صدر اشفاق ورک اور جنرل سیکرٹری میاں طیب نے کہا کہ پنجاب کے مختلف اضلاع میں گندم کی کٹائی شروع ہو گئی ہے۔ تاہم حکومت نے ابھی تک گندم کی امدادی قیمت کا اعلان نہیں کیا۔
فاریکس ایسوسی ایشن آف پاکستان کی رپورٹ کے مطابق جمعہ کو انٹربینک مارکیٹ میں ڈالر کی قیمت 10 پیسے اضافے سے 280.68 روپے ہوگئی۔
دوسری جانب اوپن مارکیٹ میں ڈالر کی قیمت ایک پیسے کی کمی سے 281.98 روپے ہوگئی۔ فاریکس رپورٹ کے مطابق یورو کی قدر میں 88 پیسے کا اضافہ ہوا جس کے نتیجے میں یورو کی قدر 310.45 روپے تک پہنچ گئی۔ تاہم برطانوی پاؤنڈ 1.29 روپے سستا ہو کر 368.20 روپے ہو گیا۔
وفاقی حکومت نے پیٹرول کی فی لیٹر قیمت میں کمی کا اعلان کیا ہے اور اس حوالے سے فنانس ڈویژن نے نوٹیفکیشن بھی جاری کر دیا ہے۔
فنانس ڈویژن کی جانب سے جاری کردہ نوٹیفکیشن کے مطابق آئل اینڈ گیس ریگولیٹری اتھارٹی (اوگرا) نے عالمی مارکیٹ میں قیمتوں کے اتار چڑھاؤ کی بنیاد پر صارفین کے لیے پیٹرولیم مصنوعات کی قیمتوں پر کام کیا۔ نوٹیفکیشن میں کہا گیا ہے کہ موٹر اسپرٹ اور ایچ ایس ڈی کی نئی قیمتیں 29 مارچ 2025 سے شروع ہوں گی۔
حکومت نے پیٹرول کی فی لیٹر قیمت میں ایک روپے کی کمی کی ہے جس کے بعد پیٹرول کی فی لیٹر نئی قیمت 254 روپے 63 پیسے ہو جائے گی جب کہ اس سے قبل فی لیٹر قیمت 255 روپے 63 پیسے تھی۔ اسی طرح ہائی اسپیڈ ڈیزل کی قیمت میں کوئی تبدیلی نہیں کی گئی اور فی لیٹر قیمت 258.64 روپے پر برقرار رہے گی۔
بین الاقوامی مارکیٹ میں پیٹرول اور ڈیزل کی قیمتوں میں مزید کمی ہوئی ہے جس کا اثر پاکستان میں بھی پڑنے کا امکان ہے۔ عالمی سطح پر پیٹرول اور ڈیزل کی قیمتوں میں کمی کے بعد ملک میں بھی قیمتوں میں کمی کا امکان ہے۔
عالمی منڈی میں پیٹرول کی قیمت میں ایک ڈالر چوالیس سینٹس کی کمی ہوئی ہے جس کے بعد پیٹرول کی قیمت سات ڈالر چوبیس سینٹ سے کم ہو کر پانچ ڈالر چوراسی سینٹس فی بیرل ہوگئی ہے۔
اسی طرح عالمی سطح پر ڈیزل کی قیمت میں بھی ساٹھ سینٹ کی کمی کی گئی ہے۔ عالمی قیمتوں میں کمی کے باعث پاکستان میں پیٹرول اور ڈیزل کی قیمتوں میں کمی کا امکان ہے۔
مارکیٹ ذرائع کا کہنا ہے کہ موجودہ عالمی قیمت کے مطابق پاکستان میں پیٹرول تین روپے اٹھارہ پیسے فی لیٹر جبکہ ڈیزل تین روپے فی لیٹر سستا ہو سکتا ہے۔ تاہم حتمی فیصلہ حکومت اگلی قیمتوں کے تعین کے وقت کرے گی۔