انٹی نارکوٹکس فورس اور ائیرپورٹ سیکیورٹی فورس کی کارروائی کے دوران اسلام آباد انٹرنیشنل ائیرپورٹ سے جدہ جانے والے منڈی بہاؤالدین کے رہائشی کو گرفتار کرلیا گیا جس کے پیٹ سے 50 ہیروئن بھرے کیپسولز برآمد کرلیے گئے۔
منڈی بہاءالدین ( ایم.بی.ڈین نیوز 28 نومبر 2022) ایک دوسری کارروائی میں انٹرنیشنل میل آفس راولپنڈی میں لندن کے لیے بُک کروائے گئے پارسل سے 500 نشہ آور گولیاں برآمد کرلی گئیں۔ اے این ایف کی ایک اور کارروائی میں شیخوپورہ ٹول پلازہ کے قریب پِک اپ گاڑی سے 69 کلو 600 گرام چرس اور 20 کلو 400 گرام افیون برآمد کرکے پشاور کے رہائشی ملزم کو گرفتار کرلیا گیا۔
یہ بھی پڑھیں: گاڑی کی ٹرانسفر کیلئے رشوت لیتے محکمہ ایکسائز منڈی بہائالدین کا اہلکار گرفتار
بلوچستان میں اے این ایف اور ایف سی بلوچستان کی مشترکہ کارروائی میں نوکنڈی سیہان کے عللاقے سے 1900 کلو افیون اور 220 کلو چرس برآمد کرلی گئی۔ ترجمان این ایف اے کے مطابق مُلزمان کیخلاف انسدادِ منشیات ایکٹ کے تحت مقدمات درج کرکے کارروائی کا آغاز کردیا گیا ہے۔
