ڈپٹی کمشنر شاہد عمران مارتھ اور ممبر قومی اسمبلی ناصر اقبال بوسال نے ضلع منڈی بہاوالدین کے سرکاری ہسپتالوں میں آکسیجن گیس فراہم کرنے والے وینڈر ملتان کیمیکلز کو 36 لاکھ 72 ہزار روپے ادا کر دئیے۔
منڈی بہاوالدین(ایم.بی.ڈین نیوز 20مئی 2024 ) یاد رہے کہ ڈپٹی کمشنر شاہد عمران مارتھ نے گزشتہ دنوں ڈسٹرکٹ ہیلتھ کونسل کے اجلاس میں آکسیجن گیس فراہم کرنے والے وینڈر کے بقایا واجبات کی ادائیگیوں کا نوٹس لیتے ہوئے وینڈر کو بقایا جات کی فوری ادائیگی کا حکم دیا تھا۔
ڈسٹرکٹ ہیڈ کوارٹر، سٹی ہسپتال اور چلڈرن ہسپتال میں مریضوں کیلئے آکسیجن ناپید
ڈپٹی کمشنر نے ایم این اے ناصر اقبال بوسال کے ہمراہ متعلقہ وینڈر کو 36 لاکھ 72 ہزار روپے کے تین چیکس دیئے۔ انہوں نے متعلقہ وینڈر کو ہدایت کی کہ ضلع کے سرکاری ہسپتالوں میں آکسیجن گیس کی مسلسل فراہمی سمیت اضافی سٹاک بھی لازمی موجود ہونا چاہیئے اور آکسیجن گیس کی فراہمی میں کسی قسم کا تعطل نہیں ہونا چاہیئے۔ انہوں نے بقایا رقم کی بھی جلد ادائیگی کی یقین دہانی کرائی۔
