منڈی بہاﺅالدین (ایم.بی.ڈین نیوز 24نومبر 2022 ) پرائمری اینڈ سیکنڈری ہیلتھ کئیر پنجاب کی ہدایت پر اور ڈپٹی کمشنر تسنیم علی خاں کی سربراہی میں ضلع منڈی بہاوالدین میں “ہفتہ آگاہی برائے اینٹی بائیوٹک ادویات” منایا گیا ۔
اس موقع پر ڈسٹرکٹ ہیلتھ آفیسر ڈاکٹر محمد افتخار نے کہاکہ مستند معالج کے نسخہ کے بغیر اینٹی بائیوٹکس ادویات کے بلاضرورت استعمال سے انسانی جسم میں بائیوٹک مزاحمت میں اضافہ ہورہا ہے جو انسانی صحت کیلئے ایک نقصان دہ ہے، جس کی وجہ سے مریض کا علاج بے اثر ہوجاتا ہے اور شفا کی بجائے مریض مزید پیچیدہ امراض میں مبتلاہوسکتا ہے۔
انہوں نے کہا کہ اینٹی بائیوٹکس ادویات ہر بیماری اور انفیکشن کیلئے ضروری نہیں اگر آپکا معالج (ہیلتھ کیئر پروفیشنل) کے کہ آپکو اینٹی بائیوٹکس کی ضرورت نہیں تو آپ اس سے اینٹی بائیوٹکس استعمال کرنے کیلئے اصرار نہ کریں۔ نالخصوص اینٹی بائیوٹک نزلہ اور زکام جیسے وائرس کا علاج نہیں کرتا۔ انہوں نے مزید کہا کہ ڈاکٹر کا تجویز کردہ اینٹی بائیوٹک صرف آپ کے لئے ہے، دوسروں کو اس کے استعمال کا مشورہ نہ دیں۔
اسی طرح جانوروں کیلئے پروفیشنل جانوروں کے معالجین سے مشورہ ضروری ہے۔ بعدازاں “ہفتہ آگاہی برائے اینٹی بائیوٹک ادویات” کے حوالے سے آگاہی واک بھی منعقد کی گئی ۔ جس میں میں سی ای او ہیلتھ ڈاکٹر محمد عابد، ڈی ایچ او ڈاکٹر محمد افتخار، ایم ایس ڈی ایچ کیو ڈاکٹر قمر الزمان، ڈاکٹر عثمان اکبر سمیت مختلف سرکاری محکموں کے افسران اور این جی او ورکرز نے شرکت کی۔
