پاکستانی نوجوان کی محبت میں گرفتار ہو کر امریکی ریاست نیویارک سے کراچی پہنچنے والی خاتون کا استقبال دربدر کی ٹھوکروں نے کیا۔
کراچی سے تعلق رکھنے والے 19 سالہ نوجوان اور امریکی خاتون کی سوشل میڈیا پر ملاقات ہوئی۔ ان کی دوستی جلد ہی محبت میں بدل گئی اور انہوں نے ایک ساتھ جینے اور مرنے کا وعدہ کیا۔ ان وعدوں کو پورا کرنے کے لیے امریکی خاتون نے اپنے شوہر سے طلاق لے لی، اپنے دو بچوں کو نیویارک میں چھوڑ کر پاکستان چلی آئی.
خاتون کراچی کے علاقے گارڈن ویسٹ کے رہائشی نوجوان کے گھر پہنچی، لیکن اس نے ڈھٹائی سے جواب دیا کہ اس کے والدین راضی نہیں ہیں۔ اس مختصر جواب سے عورت سکتے کی حالت میں آگئی۔ اس کے ایک ماہ کے ویزے کی میعاد ختم ہو چکی تھی اور نئے ویزے کے لیے اسباب نہیں تھے۔
اس نے سات دن ائیر پورٹ پر بے بس اور لاچار گزارے، یہاں تک کہ پاگل پن میں اپنے کپڑے پھاڑ ڈالے۔خاتون کی قسمت پر اس وقت مہر ثبت ہو گئی جب گورنر سندھ کامران ٹیسوری سندھ کے دورے سے کراچی ایئرپورٹ پہنچے اور خاتون کو اس حالت میں دیکھا۔
گورنر سندھ نے خاتون کو فوری طور پر ویزہ جاری کردیا جب کہ خاتون کو ٹکٹ بھی مل گیا اور وہ اپنے وطن روانہ ہو جائیں گی۔
