گجرات: حیدرآباد کے 3 نوجوانوں کے بعد پنجاب کے مختلف شہروں سے بھی 3 نوجوان غیر قانونی ملازمت کے جھانسے میں آکر میانمار میں لاپتہ ہوگئے۔
گجرات کے زین، منڈی بہاؤالدین کے عامر اور سیالکوٹ کے شاہد مبینہ طور پر میانمار کی ایک کمپنی میں پھنس گئے۔ پاکستان میں نوجوانوں کے لاپتہ ہونے پر اہل خانہ پریشان ہیں اور اہل خانہ کا کہنا ہے کہ ان کے بچوں کو تشدد کا نشانہ بنایا جا رہا ہے۔ ساتھ ہی انہوں نے حکومت سے بچوں کی واپسی کے لیے اقدامات کرنے کی اپیل کی ہے۔
منڈی بہاءالدین سے اغوا ہونے والا شخص 8 ماہ بعد لاڑکانہ سے بازیاب
اس حوالے سے سفارتخانے کے اسسٹنٹ قونصل علی شیر نے بتایا کہ میانمار میں لاپتہ ہونے والے حیدرآباد کے 3 نوجوانوں کو فروخت نہیں کیا گیا بلکہ یہ تینوں نوجوان روزگار کی آڑ میں ایک غیر قانونی کمپنی میں کام کرنے آئے تھے۔ ان کا مزید کہنا تھا کہ نوجوان کو جلد بازیاب کر کے وطن واپس بھیج دیا جائے گا۔ قانونی پیچیدگیوں کی وجہ سے ان کی بازیابی میں تاخیر ہو رہی ہے۔
