منڈی بہاوالدین( ایم.بی.ڈین نیوز 10اگست 2023) سیکرٹری ٹرانسپورٹ اتھارٹی نے ضلع کے مختلف روٹس پر چلنے والی گاڑیوں کو اچانک چیک کیا ،خلاف ورزی پر 34گاڑیوں کے چالان کئے ، ایل پی جی سلنڈر کی تنصیب پر 15 گاڑیاں جبکہ زائد کرایہ کی وصولی پر10گاڑیاں ضلع کے مختلف تھانوں میں بند کرتے ہوئے 30 ہزار روپے جرمانہ بھی کیا۔
اس موقع پر سیکرٹری آر ٹی اے فریال نعیم کا کہنا تھا کہ ٹرانسپورٹرز پبلک ٹرانسپورٹ کے کرایوں میںخود ساختہ اضافہ کرتے ہیں ،آئندہ بھی زائد کرایہ وصول کرنے اور ایل پی جی سلنڈر کی تنصیب پر ٹرانسپورٹرز کے خلاف محکمہ ٹرانسپورٹ کی کارروائیاں جاری رہیں گی اور ڈرائیورز کو جیل بھیجا جائے گا ۔
سیکرٹری آر ٹی اے نے پبلک ٹرانسپورٹرز کو واضح ہدایت کی کہ وہ حکومت کے مقرر کردہ نرخ کے مطابق میں کرایہ وصول کریں ۔ انہوں نے کہا کہ شہریوں کی جان و مال اور سہولیات کیلئے سخت فیصلے ضروری ہیں تا ہم کارروائی کا مقصد کسی کا روزگار چھیننا نہیں. ٹرانسپورٹرز ضلعی انتظامیہ کے ساتھ تعاون کریں۔انہوں نے کہاکہ ڈپٹی کمشنر نے واضح طور پر ہدایت کی ہے کہ ایسے عناصر سے کوئی رورعایت نہ برتی جائے ۔
