پی ٹی اے کا موبائل سمز بلاک کرنے کا اشارہ، کون لوگ متاثر ہوں گے؟

پاکستان ٹیلی کمیونیکیشن اتھارٹی (پی ٹی اے) نے عندیہ دیا ہے کہ وہ غیر فعال اور میعاد ختم ہونے والے شناختی کارڈز پر جاری کردہ سموں کو بلاک کر دے گا۔

پاکستان ٹیلی کمیونیکیشن نے موبائل صارفین کے لیے ایک اہم ہدایت جاری کی ہے جس میں کہا گیا ہے کہ مرنے والے کے نام کا سم کارڈ کسی بھی وقت غیر فعال کیا جا سکتا ہے۔

پی ٹی اے کا کہنا ہے کہ میعاد ختم ہونے والے شناختی کارڈز پر چلنے والی سمز کو بھی کسی بھی وقت بلاک کیا جا سکتا ہے جس کے بعد دوبارہ نمبر دستیاب نہیں ہوگا۔ پی ٹی اے نے عوام سے کہا کہ وہ اپنے شناختی کارڈ کی فوری تجدید کرائیں۔

پی ٹی اے نے نادرا سے شناختی کارڈز کے مسائل حل کرنے کی اپیل کرتے ہوئے کہا کہ پی ٹی اے یہ قدم محفوظ اور شفاف ٹیلی کام سسٹم کے لیے اٹھا رہا ہے۔ اگر ہدایات پر عمل نہ کیا گیا تو موبائل سروس متاثر ہو سکتی ہے۔