ڈی آئی جی ٹریفک کی ہدائت /ویژن کے پیش نظر ڈی پی او منڈی بہاوالدین کی زیر نگرانی ڈسٹرکٹ ٹریفک آفیسر منڈی بہاوالدین محمد اسلم گوندل نے انسپکٹر محمد شعیب ٹریفک پولیس منڈی بہاؤالدین کے ہمراہ سٹی ایریا اور مختلف پوائنٹ پر بغیر ہیلمٹ موٹر سائیکل سواروں کے خلاف کریک ڈاؤن کیا۔
منڈی بہاوالدین: ٹریفک پولیس نے سینکڑوں موٹر سائیکلوں کو بھاری جرمانے عائد کرکے موٹر سائیکل تھانہ میں بند کردئیے۔ ڈسٹرکٹ ٹریفک آفیسر منڈی بہاؤالدین کی زیر نگرانی میں انسپکٹر محمد شعیب نے ٹریفک پولیس ٹیم کے ہمراہ رسول روڈ پر سینکڑوں کی تعداد میں بغیر ہیلمٹ موٹر سائیکل سواروں کو جرمانے کئیے متعدد کو تھانہ بند کردیا۔
اس موقع پر ڈی ایس پی ٹریفک منڈی بہاؤالدین محمد اسلم گوندل نے کہا کہ جرمانے کا مقصد سزا دینا نہیں بلکہ اصلاح کرنا یے کیونکہ سالانہ لاکھوں کی تعداد میں موٹر سائیکل سوار بغیر ہیلمٹ موٹر سائیکل چلاتے ہوئے ایکسیڈنٹ کی صورت میں ہلاک ہوتے ہیں۔ انہوں نے عوام الناس سے اپیل کی کہ وہ اپنی جان کی حفاظت کے لیے موٹر سائیکل چلاتے ہوئے ہیلمٹ کا استعمال کریں.
