یمن میں آسمانی بجلی گرنے سے 13 افراد ہلاک

یمن میں آسمانی بجلی گرنے سے 13 افراد ہلاک اور 21 زخمی ہوگئے۔ مقامی میڈیا کے مطابق حوثی ملیشیا کے کنٹرول حجہ گورنری میں ہنگامی اور آفات سے متعلق کمیٹی نے ایک بیان میں کہا کہ کفل شمر ڈاریکٹوریٹ میں بجلی گرنے سے سات افراد جاں بحق اور 8 زخمی زخمی ہوگئے۔

غیرملکی میڈیا کے مطابق حجہ گورنری میں آسمانی بجلی گرنے سے جاں بحق ہونے والوں میں تین سگے بھائی بھی شامل ہیں۔ دوسرے واقعے میں امران صوبے میں ایک تعزیتی اجتماع کے دوران آسمانی بجلی گرنے کے واقعے میں 6 خواتین جاں بحق جبکہ 13 زخمی ہوگئیں۔

یہ بھی پڑھیں: سعودی عرب میں آسمانی بجلی گرنے سے چٹان دو حصوں میں تقسیم، ویڈیو وائرل

یمن میں تقریباً دو ماہ سے شدید طوفانی بارشیں ہو رہی ہیں جن میں سے بعض مقامات پر طوفانی بارشیں سیلاب کا باعث بنی ہیں، سیلاب سے اب تک 77 افراد جاں بحق ہوچکے ہیں۔