راولپنڈی: پی ٹی آئی کے بانی عمران خان اور شاہ محمود قریشی کی سانحہ 9 مئی سے متعلق مقدمات میں ضمانت منظور کرلی گئی۔
راولپنڈی کی انسداد دہشت گردی کی عدالت کے جج ملک اعجاز آصف نے سانحہ کے 9 مقدمات میں ضمانت کی درخواستوں پر سماعت کی۔ پی ٹی آئی کے بانی کی جی ایچ کیو اور آرمی میوزیم حملے سمیت 12 مقدمات میں ضمانت منظور۔
عدالت نے کہا کہ سانحہ 9 مئی کے تمام ملزمان ضمانت پر ہیں، اس لیے پی ٹی آئی کے بانی کو زیر حراست رکھنے کا کوئی جواز نہیں۔ پی ٹی آئی رہنما شاہ محمود قریشی کی بھی 13 مقدمات میں ضمانت منظور کر لی گئی۔ عمران خان اور شاہ محمود قریشی کی ضمانت منظور ہونے کے باوجود رہا ہونے کا امکان نہیں کیونکہ دونوں رہنما سائفر کیس میں سزا یافتہ ہیں۔
عدالت نے سانحہ 9 مئی کے مقدمات میں ایک ایک لاکھ روپے کے مچلکے جمع کرانے کا بھی حکم دیا۔
0
Happy
0
Sad
0
Annoyed
0
Surprised
0
infected
