نیوزی لینڈ کے خلاف پاکستان کرکٹ ٹیم میں 3 بڑی تبدیلیاں پاکستان نے نیوزی لینڈ کے خلاف تیسرے ٹی ٹوئنٹی میچ کے لیے پلیئنگ الیون کا اعلان کر دیا ہے۔
ڈونیڈن میں شیڈول تیسرے ٹی ٹوئنٹی میچ سے قبل قومی ٹیم میں تین تبدیلیاں کی گئی ہیں۔ عباس آفریدی انجری کے باعث تیسرے میچ سے باہر ہو گئے ہیں جبکہ ان کی جگہ زمان خان کو موقع دیا گیا ہے۔ دیگر کھلاڑیوں میں اسامہ میر کی جگہ محمد نواز کو جبکہ عامر جمال کی جگہ محمد وسیم جونیئر کو موقع دیا گیا ہے۔
کپتان شاہین شاہ آفریدی، محمد رضوان، سعید ایوب، بابر اعظم، فخر زمان، افتخار احمد، اعظم خان، محمد وسیم جونیئر، محمد نواز، حارث رؤف، زمان خان بھی ایکشن میں ہوں گے۔ واضح رہے کہ دونوں ٹیموں کے درمیان میچ 11:10 پر شروع ہوگا۔
