پاکستان سپر لیگ کے نویں سیزن کے لیے پلیئرز ڈرافٹنگ کی تقریب گزشتہ روز لاہور میں ہوئی۔ جس میں فرنچائزز نے اپنے اپنے سکواڈز کو حتمی شکل دی۔ ڈرافٹنگ کے دوران جہاں فرنچائزز نے بڑے ناموں کا انتخاب کیا، وہیں اس بار بھی نئی تاریخ مقرر کی گئی۔
پی ایس ایل کی معروف فرنچائز اور 2 مرتبہ کی چیمپئن اسلام یونائیٹڈ نے پہلے ہی نسیم شاہ کی خدمات حاصل کر رکھی تھیں۔ تاہم ڈرافٹنگ کے دوران فرنچائز نے فاسٹ بولرز حنین شاہ اور عبید شاہ کو بھی اپنی ٹیم میں شامل کیا۔
حنین نے نیشنل ٹی ٹوئنٹی کپ میں شاندار کارکردگی کا مظاہرہ کیا جبکہ عبید شاہ دبئی میں ہونے والے ایشیا کپ میں پاکستان انڈر 19 کے لیے کھیل رہے ہیں۔ اسلام آباد یونائیٹڈ نے دونوں کرکٹرز کو ایمرجنگ کیٹیگری میں منتخب کیا ہے۔
