منڈی بہاوالدین پھر لہو لہان ہو گیا. گزشتہ 24 گھنٹوں کے دوران منڈی بہاوالدین میں 2 افراد کو قتل کر کے موت کے گھاٹ اتار دیا گیا. ڈھوک جوڑی میں سابقہ رنجش پر نوجوان قتل، جبکہ میانہ گوندل میں گھریلو ناچاقی پر خاوند نے بیوی کو فائرنگ کر کے قتل کر دیا
منڈی بہاوالدین ( ایم.بی.ڈین نیوز 10 فروری 2023) تھانہ صدر کے علاقہ ڈھوک جوڑی میں صدف نامی نوجوان قتل. سابقہ رنجش کی بنا قتل کیا گیا.اطلاع ملنے پر تھانہ صدر پولیس موقع پر پہنچ گئی. تھانہ صدر پولیس نے نعش کو قبضہ میں لیکر تفتیش شروع کردی.
یہ بھی پڑھیں: منڈی بہاؤالدین میں رواں سال 97 افرا کو قتل کیا گیا
جبکہ دوسرے واقع میں میانہ گوندل میں گھریلو ناچاقی پر بابر نامی نوجوان نے اپنی بیوی فاریہ کو فائرنگ کر کے قتل کر دیا. وقوعہ کی اطلاع ملتے ہی پولیس تھانہ میانہ گوندل موقع پر پہنچ گئی. بیوی کو قتل کرنے کے بعد ملزم بابر موقع سے فرار ہو گیا. پولیس نے نعش قبضہ میں لے کر کاروائی کا آغاز کر دیا.
رواں سال منڈی بہاوالدین میں قتل کا یہ 14واں واقع ہے.
