وسطی پنجاب کے شہر منڈی بہاؤالدین کے گاؤں سعد اللہ پور کی پولیس نے احمدی برادری کے دو افراد کو قتل کرنے کے الزام میں ایک شخص کو گرفتار کر لیا ہے۔
پھالیہ سرکل کے تھانہ بھاگٹ کے موضع سعد اللہ پور میں نامعلوم افراد کی فائرنگ سے دو افراد مارے گئے۔ 49 سالہ غلام سرور ولد بشیر نماز کے بعد گھر جا رہا تھا کہ نامعلوم افراد نے فائرنگ کر کے قتل کردیا جبکہ 25 سالہ رحمت علی ولد مشتاق احمد دکان سے گھر کیطرف جا رہ تھا کہ نامعلوم افراد نے فائرنگ کردی جس کی زد میں آکر رحمت علی بھی موقع پر دم توڑ گیا۔
مبینہ طور پر مرنے والے دونوں افراد کا تعلق قادیانی فرقہ سے ہے۔ ڈی پی او منڈی بہاوالدین بھاری نفری کے ہمراہ موقع پر موجود ہیں ۔ پولیس کی بھاری نفری نے علاقہ کو گھیرے میں لے لیا۔ مرکزی ملزم علی رضا سکنہ سعد اللہ پور کو گرفتار کرلیا گیا۔ جائے وقوعہ سے شواہد اکٹھے کئے جارہے ہیں، تفتیش جاری
منڈی بہاؤالدین پولیس کے ترجمان کے مطابق دینی مدرسے کے طالب علم 18 سالہ ملزم نے ابتدائی تفتیش کے دوران ایک کے بعد ایک پستول سے فائرنگ کرکے دونوں افراد کو قتل کرنے کا اعتراف کیا ہے۔ پولیس اہلکار کا کہنا ہے کہ بظاہر ملزم ویڈیو کلپس میں کچھ مذہبی شخصیات کی گفتگو سے بہت زیادہ متاثر تھا۔
