ریاض: سعودی عرب میں سیکیورٹی فورسز نے منشیات فروشوں کے خلاف کریک ڈاؤن آپریشن میں پاکستانی اور ایتھوپیا کے شہریوں کو گرفتار کرکے بھاری مقدار میں منشیات برآمد کرلی۔ سعودی میڈیا کے مطابق گرفتار منشیات فروشوں میں 4 پاکستانی، 5 ایتھوپین اور ایک سعودی شہری شامل ہے۔ ملزمان کے قبضے سے ساڑھے 33 کلو چرس برآمد کر لی گئی۔
انسداد منشیات کے ادارے نے کریک ڈاؤن آپریشن کے بارے میں بتایا کہ ریاض میں ایک پاکستانی اور ایتھوپیا کے شہری کو گرفتار کرکے 20 کلو چرس برآمد کی گئی۔ اسی طرح جدہ میں 3 پاکستانیوں کو گرفتار کر کے ان کے قبضے سے 6 کلو گرام چرس برآمد کر لی گئی۔ صوبہ جازان میں 4 ایتھوپیائی باشندوں کو بھی گرفتار کیا گیا جب کہ ایک سعودی شہری کو بھی گرفتار کیا گیا جس کے قبضے سے 7 کلو گرام چرس قبضے میں لے لی گئی۔
یاد رہے کہ سعودی عرب میں منشیات کی اسمگلنگ کی سزا موت ہے۔ ابھی چند روز قبل منشیات کی اسمگلنگ کے الزام میں 2 پاکستانیوں کو پھانسی دی گئی تھی جبکہ رواں سال 10 کے قریب منشیات فروشوں کو پھانسی دی جا چکی ہے۔
