پنجاب حکومت نے صوبے میں بیوروکریسی کے تبادلوں کا جھکڑ چلانے کا عندیہ دے دیا ہے۔ جس کی روشنی میں سول سیکرٹریٹ کے محکمہ سروسز نے بیورو کریسی کے وسیع پیمانے پر تبادلوں اور تقریوں کی تیاریاں مکمل کر لیا ہے۔
منڈی بہاءالدین + لاہور (آن لائن) بتایا گیا ہے کہ پہلے مرحلے میں پنجاب کے 4 اضلاع کے کمشنروں 8 سیکر ٹریوں اور 7 اضلاع کے ڈپٹی کمشنروں کو تبدیل کیا جائے گا۔ ممکنہ طور پر تبدیل کئے جانے والے پار کمشنروں میں کمشنر لاہور کیپٹن (ر) محمد عثمان سمیت کمشنر فیصل آباد، کمشنر ڈی جی خان اور کمشنر بہاولپور شامل ہیں ۔
یہ بھی پڑھیں: منڈی بہاءالدین کی ضلعی انتظامیہ تبدیل، نئے افسران تعینات
پنجاب کے جن 7اضلاع کے ڈپٹی کمشنرز تبدیل کئے جانے کا امکان ہے ان میں ضلع قصور ضلع مین پور، ضلع مظفر گردی، ضلع ملتان، ضلع منڈی بہاوالدین ، ضلع ڈیرہ غازی خان، سمیت ضلع ڈی آئی خان شامل ہیں ۔ مزید برآں تقرر و تبادلوں کے پہلے مرحلے میں پنجاب کے جن آٹھ محکموں کے سیکر ٹریوں کو تبدیل کئے جانے کا امکان ہے.
ان میں محکمہ سی اینڈ ڈبلیو، محکمہ ایکسائز اینڈ ٹیکسٹیشن پنجاب، محکمہ جنگلات پنجاب، محکمہ آبپاشی جنگلات، محکمہ زراعت پنجاب، محکمہ معدنیات پنجاب اور محکمہ انفارمیشن شامل ہیں ۔ مذکورہ افسران کے تقرر و تبادلوں کا پیپر ورک مکمل کر لیا گیا ہے۔
