منڈی بہاﺅالدین( ایم.بی.ڈین نیوز 14 جولائی2021) ڈپٹی ڈائریکٹر لائیو سٹاک ڈاکٹر ضیاءاللہ گوندل نے کہا ہے کہ وزےراعظم پاکستان عمران خان کا منصوبہ برائے گھریلو مرغبانی کا مقصد عوام کو معیاری اور رعائتی نرخوں پر دیسی انڈوں کی شکل میں سستی پروٹین کی فراہمی ہے ۔ دیسی انڈے اعلیٰ پروٹین حاصل کرنے کا بہترین ذریعہ ہیں جو کہ جسمانی اور ذہنی نشوونما کیلئے انتہائی ضروری ہے ۔
ان خیالات کا اظہار انہوں نے آج یہاں محکمہ لائیو سٹاک کے ویٹرنری ہسپتال میں گھریلو مرغبانی خواہش مند خواتین و حضرات میں مرغیوں کے یونٹ تقسیم کر تے ہوئے کیا۔ اس موقع پر سینئر ویٹرنری آفیسر ڈاکٹر محمد رضوان اور دیگر بھی موجود تھے۔ ڈپٹی ڈائریکٹر ضیاءاللہ گوندل نے بتایا کہ وزےر اعلیٰ پنجاب اور سےکرٹری لائیو سٹاک پنجاب کی ہدایت پرمحکمہ لائیو سٹاک منڈی بہاﺅالدین نے دیہی مرغبانی کے خواہش مند خواتین و حضرات میں مرغوں کے 90یونٹس تقسیم کئے۔ایک یونٹ ایک مرغا 5مرغیاں یا12 مرغوں پر مشتمل ہے۔ جن کی قیمت مبلغ1050روپے فی یونٹ ہے۔
اس سکیم سے استفادہ کیلئے ویٹرنری ہسپتالوںمیں درخواستیں وصول کی جاتی ہیںاور پہلے آئیے پہلے پائیے کی بنیاد پریونٹ تقسیم کئے جاتے ہیں۔انہوں نے کہا کہ محکمہ لائیو سٹاک کی پولٹری یونٹس کی رعائتی نرخوں پر فروخت دیہی مرغبانی کے فروغ کیلئے اہم اقدام ہے ۔ اس سکیم کے تحت مرغیوں کو تمام بیماریوں کی ویکسین اور ڈیورمنگ کا کورس مکمل کرواکرصحت مند مرغیاںخواہش مند حضرات میں تقسیم کی جاتی ہیں۔
