منڈی بہاﺅلدین( ایم.بی.ڈین نیوز 03 دسمبر 2021 )ڈپٹی کمشنر ڈاکٹر احسان الحق ضیا ءنے رورل ہیلتھ سنٹر کٹھیالہ شیخاں کا اچانک دورہ کیا، اپنے دورے کے دوران انہوں نےسٹاف کی حاضری، فارمیسی سمیت مختلف وارڈز اور شعبوں کے علاوہ صفائی ستھرائی کا بغورجائزہ لیا۔ انہوں نے ادویات اور طبی آلات کا بذات خود معائنہ کیا۔ ڈپٹی کمشنر نے مریضوں اور ان کے لواحقین سے فراہم کی جانے والی طبی سہولیات کے بارے میں بھی دریافت کیا اور اپنے اطمینان کا اظہار کیا۔
انہوں نے ڈاکٹر صاحبان کو مخاطب کرتے ہوئے کہا کہ جو ادویات ہسپتال میں دستیاب ہیں وہ مریضوں کو علاج معالجہ کیلئے مہیا کی جائیں۔ بعد ازاں ڈپٹی کمشنر نے دیہی مرکز مال، فیلڈ آفس چک نمبر 14 اور یونین کونسل کٹھیالہ شیخاں کا دورہ کیا۔ اس موقع پر NTO میاں محمد وقار و دیگر افسران بھی ان کے ہمراہ تھے۔ ڈپٹی کمشنر نے فرد کے اجراء، فوتگی اندارج، زیرالتوا کیسز ، ریکارڈ اور سٹاف کی حاضری کو تفصیلی چیک کیا۔ ڈپٹی کمشنر نے سائلین سے نہایت اداب و احترام سے دیہی مرکز مال بارے دریافت کیا اور مثبت جواب ملنے پر اظہار اطمینان کیا۔
ڈپٹی کمشنر کو حل شدہ اور زیر التوا کیسز کے متعلق تفصیلی بریفنگ دی گئی۔ جس پر ڈپٹی کمشنر نے زیر التواء کیسز کو ترجیحی بنیادوں پر حل کرنے کے احکامات جاری کئے۔ انہوں نے ہدایت کی کہ آئے ہوئے سائلین کے ساتھ ہمدردانہ رویہ رکھا جائے۔ انہوں نے کہا کہ ہمارا اصل شعار ہی عوام الناس کی خدمت ہونا چاہیئے۔ ڈپٹی کمشنر نے دیہی مرکز مال سے ملحقہ پلاٹ کی صفائی ستھرائی کی بھی ہدایت کی۔
