منڈی بہاءالدین: ٹریکٹر ٹرالی نے رکشہ کو کچل دیا. حادثے کے نتیجہ میں رکشہ ڈرائیور محمد آصف جاں بحق، 2 افراد زخمی، ہسپتال منتقل. مقدمہ درج
منڈی بہاءالدین (ایم.بی.ڈین نیوز یکم فروری 2022) ٹریکٹر ٹرالی نے لوڈر رکشہ کو کچل ڈالا. خاندان کا واحد کفیل رکشہ ڈرائیور جاں بحق. محمد آصف سکنہ نورپورپیراں غریب خاندان کا واحد کفیل تھا اور لوڈر رکشہ چلا کر محنت مزدوری سے گھر چلاتا تھا.
یہ بھی پڑھیں: پھالیہ: عطائی ڈاکٹر نے نوزائدہ بچی کی جان لے لی، ورثا سراپا احتجاج
گزشتہ روز 2 افراد کے ہمراہ لوڈر رکشہ لے کر گائوں سے نکلا ہی تھا کہ سامنے س ےاآنے والی ٹریکٹر ٹرالی نے کچل دیا جس سے رکشہ ڈرائیور آصف موقع پر ہی جاں بحق ہو گیا جبکہ زاہد سمیت 2 افراد زخمی ہو گئے.
زخمیوں کو ہسپتال منتقل کر دیا تھا. مقامی افراد نے ٹریکٹر ڈرائیور شہباز کو پکڑ کر پولیس تھانہ ملکوال کے حوالے کر دیا. مذید کاروائی جاری ہے.
