مشہور زمانہ مزاحیہ کردار مسٹر بین ادا کرنے والے اداکار روون اٹکنسن اپنے ہی کردار سے بے حد ناخوش ہیں۔
ورائٹی کی رپورٹ کے مطابق مزاحیہ سٹ کام مسٹر بین میں مرکزی کردار ادا کرنے والے اداکار روون اٹکنسن نے حال ہی میں ریڈیو ٹائمز کو دیے گئے ایک انٹرویو میں انکشاف کیا کہ مسٹر بین کا کردار ان کے لیے نہایت تناؤ میں مبتلا کر دینے اور تھکا دینے والا ہے۔ ان کا کہنا تھا کہ یہ کردار ایک بہت بھاری ذمہ داری ہے جسے ادا کرنا ان کے لیے کسی بھی طرح خوشگوار نہیں۔ وہ اس کردار کو ادا کرتے ہوئے کبھی بھی لطف اندوز نہیں ہوئے۔
انہوں نے اشارہ دیا کہ اب وہ کبھی یہ کردار ادا نہیں کریں گے اور اب صرف مسٹر بین کی اینیمیٹڈ فلم پر کام جاری رکھیں گے۔ روون اٹکنسن کا کہنا ہے کہ اس کردار کو ادا کرنے کے بجائے صرف اس کے لیے اپنی آواز دینا نسبتاً آسان کام ہے۔ انہوں نے بتایا کہ مسٹر بین کی مقبولیت حیران کن بات نہیں، ایک بالغ انسان کو بچوں جیسی حرکتیں کرتے دکھانا بنیادی طور پر ایک مزاحیہ بات ہے، یہ مزاح زبانی سے زیادہ ویژول ہے یہی وجہ ہے کہ یہ دنیا بھر میں مشہور ہے۔
مسٹر بین کا اگلا پروجیکٹ “مین بمقابلہ بی ” جلد نیٹ فلکس پر جاری کیا جائے گا جہاں وہ ایک مکھی کے ساتھ جنگ لڑتے کردار نظر آئینگے
