شہریوں نے اپنی مدد آپ کے تحت موٹر سائیکل چور گینگ پکڑوا دیا

منڈی بہاوالدین (‌ایم.بی.ڈین نیوز 20 مئی 2021) سینئر صحافی ملک اشرف صاحب کی رپورٹ کے مطابق منڈی بہاولدین میں گزشتہ رات گلزار حسین ولد محمد اقبال قوم قریشی مجاہد آباد جو کہ گزشتہ رات اپنے چچا جان کے گھر گئے اور گھر کے باہر موٹر سائیکل کھڑی کی تھوڑی دیر بعد جب گلزار گھر سے باہر نکلا تو موٹر سائیکل غائب تھا.

اس نے فوری شورشرابا کیا لیکن اس کی موٹرسائیکل نہ ملی بعد میں اس کو کسی دوست نے کہا کہ آپ پولیس کو اطلاع کرو اس نے پولیس کو اطلاع کی لیکن پولیس حرکت میں نہ آئی اس کے بعد اس نے میڈیا والوں سے رابطہ کیا جب میڈیا کے نمائندے وہاں پہنچے تو انہوں نے ان سے پوچھ گچھ کی موٹر سائیکل کیسے چوری ہوا انہوں نے سارا واقعہ بیان کیا اس کے بعد ان کے ایک دوست نے ان کو بتایا کہ آپ کی موٹر سائیکل ایک ڈاکو شوگر مل روڈ کے اوپر جا رہا ہے.

انہوں نے اپنی مدد آپ کے تحت اس کا تعاقب کرتے ہوئے اس کو پکڑ لیا اس کے بعد پولیس وہاں پر پہنچی. اس ملزم نے ایک اور جگہ کی نشاندہی کی جہاں پر ایک اور ملزم اس کا نام احتشام علی ولد شہادت حسین موقع پر موجود تھا جہاں پر دو اور موٹر سائیکل ون ٹو فائیو موجود تھے پولیس نے برآمد کی اس کے علاوہ گھریلو سامان بھی کافی مقدار میں وہاں موجود تھا جو انہوں نے لوٹ کر رکھا ہوا تھا وہ سب سامان اور دو تین موٹرسائیکل ابھی بھی پولیس کی تحویل میں موجود ہیں.