منڈی بہاﺅالدین ( ایم.بی.ڈین نیوز 25اپریل 2021 )ڈپٹی کمشنر طارق علی بسرا کی خصوصی ہدایت پر اسسٹنٹ کمشنر منڈی بہاﺅالدین امتیاز علی بیگ نے شہر میں قائم غیر قانونی سلنڈر بھروائی، اور پیٹرول ایجنسیز کے خلاف کریک ڈاﺅن شروع کر دیا ہے۔ اس ضمن میں انہوں نے اپنی ٹیم کے ہمراہ 2 غیر قانونی پیٹرولیم ایجنسیز کو سیل کردیا جبکہ غیر قانونی سلنڈر بھروائی کرنے پر دو دکانداروں کو 6 ہزار روپے جرمانہ بھی کیا۔
اس موقع پر اسسٹنٹ کمشنر امتیاز علی بیگ نے کہا کہ ڈپٹی کمشنر کی ہدایت کے مطابق غیر قانونی پیڑول ایجنسیز اور سلنڈر بھروائی کرنے والوں کے خلاف کریک ڈاو ¿ن جاری ہے اور ایسی خلاف ورزی کے مرتکب افراد کے خلاف سخت قانونی کارروائی عمل میں لائی جائے گی۔اے سی نے کہا کہ صارفین کی جانوں کا تحفظ ہر صورت میں یقینی بنایا جائے گاچاہے کوئی کتنا ہی بااثر کیوں نہ ہو۔
امتیاز علی بیگ نے غیر قانونی بیٹرول ایجنسیز اور سلنڈر بھروائی مالکان کو خبردار کیا کہ وہ ایسے غیر قانونی افعال سے باز رہیں۔ آئندہ چیکنگ کے دوران خلاف ورزیوں کے مرتکب پائے جانے والوں کو بھاری جرمانے کئے جائیں گے اور انہیں جیل کی ہوا کھانی پڑے گی۔ شہریوں نے ضلعی انتظامیہ کی جانب سے اس اقدام کو سراہتے ہوئے غیرقانونی کام کرنے والوں کے خلاف آپریشن کو قابل تحسین قرار دیا۔
