ڈاکٹر طارق چدھڑ صدر پی ایم اے منڈی بہاوالدین کی قیادت میں ڈاکٹرز کےوفد بشمول چلڈرن ہسپتال کے نئے ایم ایس ڈاکٹر اعجاز مغل، ایم ایس ڈی ایچ کیو ڈاکٹر اختر بلوچ اور ڈاکٹر مہدی خان نے آج چلڈرن ہسپتال کا تفصیلی دورہ کیا اور ٹیم چلڈرن ہسپتال کی کاوشوں کو سراہا۔
منڈی بہاوالدین (ایم.بی.ڈین نیوز 6 جنوری 2021) گورنمنٹ چلڈرن ہسپتال منڈی بہاوالدین میں کلینکل لیبارٹری ، ایکسرے، آئسولیشن یونٹ، فیڈنگ کارنر، ٹاڈلر ٹوائلٹ ، مین میڈیسن سٹور ، آؤٹ ڈور فارمیسی ، پرچی کاؤنٹر ، پولیس چوکی اور چلڈرن پارک کا آغاز ہو چکا ہے ، ہسپتال اور ملحقہ لان کی مکمل تزئین و آرائش کی جا چکی ہے اور لواحقین کے مناسب بیٹھنے کے لئے دیدہ زیب سٹیل و کنکریٹ بینچز بھی نصب کر دیے گئے ہیں۔ ایمرجنسی مکمل طور پر سروسز دینے کے لئے تیار ہے جسے جلد سٹاف کی تعیناتی کے بعد فعال کر دیا جائے گا۔
یہ بھی دیکھیں: نئے ڈسٹرکٹ ہیڈکوارٹر ہسپتال منڈی بہاؤالدین میں بچوں کے وارڈ کا آغاز کر دیا گیا
لواحقین کے لیے آرام گاہ، بچوں کیلئے جھولے اور مسجد کی تکمیل الحمدللہ مکمل ہو چکی ہے۔ ڈاکٹر شکیل نذر کو اس مقصد کی شاندار کامیابی پر ترقی دی جا چکی ہے اور ہسپتال کا چارج سینئر ڈاکٹر اعجاز مغل کو سونپا گیا ہے۔
