کمشنر گوجرانوالہ ڈویژن ذوالفقار احمد گھمن نے کہا ہے کہ کھلی کچہری وزیراعلیٰ پنجاب کا عوام دوست انقلابی اقدام ہے جہاں شہریوں کے پیچیدہ مسائل فور ی حل ہوتے ہیں، انہوں نے کہاکہ ان کچہریوں میں عوام الناس کی سہولت کے لیے درپیش مسائل حل کئے جا تے ہیں، یہی وجہ ہے عوام الناس کی کثیرتعداد نے ان کچہریوں پر اپنے بھر پور اعتماد کا اظہار کیا ہے۔
منڈی بہاءالدین (ایم.بی.ڈین نیوز 18 ستمبر 2021 ) ان خیالات کا اظہار انہوں نے آج یہاں ڈپٹی کمشنر آفس کے لان میں منعقدہ کھلی کچہری میں سائلین کے مسائل حل کرتے ہوئے کیا۔ اس موقع پر ڈپٹی کمشنر طارق علی بسرا، ممبر قومی اسمبلی حاجی امتیاز احمد چوہدری، ممبر صوبائی اسمبلی طارق تارڑ، ایڈیشنل ڈپٹی کمشنر ریونیو توقیر الیاس چیمہ، ایڈیشنل ڈپٹی کمشنر جنرل محمد شفیق، ایڈیشنل ڈپٹی کمشنر فنانس حافظ غلام مرتضیٰ، اسسٹنٹ کمشنر منڈی بہاﺅالدین امتیاز علی بیگ، اسسٹنٹ کمشنر پھالیہ ساجد منیر کلیار، اسسٹنٹ کمشنر ملکوال عثمان غنی، تحصیلداران و نائب تحصیلداران ، لینڈ ریکارڈ سنٹر اور ریونیو افسران سمیت سائلین کی کثیر تعداد بھی موجود تھی۔
کمشنر ذوالفقار احمد گھمن نے کھلی کچہری میں آئے ہوئے سائلین سے خود بھی توجہ اور خلوص سے ان کے مسائل سنتے ہوئے میرٹ پر درخواستیں نمٹانے کے حوالے سے احکامات جاری کئے اور سائلین کو ریلیف فراہم کیا ۔ کمشنرگوجرانوالہ نے کہا کہ کھلی کچہریوں کے انعقاد سے شہریوں کے پیچیدہ مسائل حل ہو رہے ہیں ۔ انہوں نے کہا کہ ڈپٹی کمشنر ، اسسٹنٹ کمشنرز، ضلعی اور تحصیل افسران سمیت سٹاف کو بھی کچہری میں حاضری یقینی بنانے کا پابند کیا گیا ہے۔
ذوالفقار احمد گھمن نے کہ کھلی کچہری میں پیش کی جا نے والی درخواستوں کا مکمل ریکارڈ رکھا جاتا ہے اور سخت مانیٹرنگ کی جا تی ہے۔رکھلی کچہری میں آغاز سے لیکر اختتام تک آنے والے سائلین نے اپنے مختلف مسائل کے حوالے سے درخواستیں پیش کیں جنہیں وہاں پر افسران کی موجودگی میں کمشنر نے فوری طور پر کاروائی کر کے موقع پر نمٹانے کا حکم دیا جبکہ دیرینہ مسائل والی درخواستوں کو بھی جلد حل کرنے کی یقین دہانی کروائی۔
