ملک وال(نامہ نگار ) پیپلز پارٹی پنجاب کے صدر اور سابق وزیراعظم راجہ پرویز اشرف نے گزشتہ رات ملکوال میں دربار بہگام شریف پر حاضری دی اور پیر سید آغا بیدار بخت رحمۃ اللہ علیہ کی وفات پر سجادہ نشین پیر سید ابن الحسن گیلانی اور صاحبزادہ سید شبیہ الحسن گیلانی سے اظہار تعزیت اور فاتحہ خوانی کی سابق وزیراعظم نے مزار پر پھولوں کی چادر چڑھائی.
بعد ازاں راجہ پرویز اشرف نے صحافیوں سے گفتگو کرتے ہوئے کہا کہ حکومت الیکٹرانک ووٹنگ مشین کا انتخابی نظام زبردستی مسلط کرنا چاہتی ہے حکومت کو چاہئے کہ ملک میں شفاف انتخابی نظام کیلئے سٹیک ہولڈرز کے ساتھ مشاورت کرے انہوں نے کہا کہ الیکشن کروانا الیکشن کمیشن کا کام ہے حکومت کا نہیں لیکن اپنے ہی بنائے ہوئے الیکشن کمیشن کی مخالفت پر ڈٹے ہوئے ہیں انہوں نے کہا کہ الیکٹرانک ووٹنگ مشین کو یورپ سمیت دیگر ممالک نے بھی ناقابلِ عمل قرار دے کر مسترد کر دیا ہے.
کیونکہ اس کیلئے ووٹرز کو بھی تربیت دینا ہو گا سابق وزیر اعظم اور پیپلز پارٹی پنجاب کے صدر نے کہا کہ ہم عوامی طاقت کے ذریعے الیکشن پر یقین رکھتے ہیں پیپلز پارٹی نہ کبھی چور دروازے سے اقتدار میں آئی ہے اور نہ آئے گی اس موقع پر سابق صدر بار ظفر اقبال گوندل ایڈووکیٹ، راجہ خرم نواز اور چودھری محمد اصغر ہموآنہ، پی پی پی کے ضلعی صدر آصف بشیر بھاگٹ سمیت دیگر قائدین اور کارکنان بھی موجود تھے
