بھارت میں ٹھیلے والے کی جانب سے گول گپوں کے پانی میں پیشاب ملانے کی ویڈیو سوشل میڈیا پر وائرل ہوگئی۔
پاکستان اور بھارت میں گول گپے بہت شوق سے کھائے جاتے ہیں اور زیادہ تر لوگ صاف ستھری جگہ سے گول گپے (پانی پوری) کھانے کے بجائے سڑک کنارے کھڑے کسی بھی ٹھیلے والے کے پاس کھڑے ہوکر اپنا شوق پورا کرلیتے ہیں تاہم گول گپوں کے حوالے سے اس ویڈیو کے وائرل ہونے کے بعد عوام کو خبردار ہونا پڑے گا۔
Shocking!A street vendor(pani puri saller) has been arrestd in Guwahati after viral a sensational video in which he mixed his urine with water and using the same Water in Pani Puri.#ViralVideo #Guwahati @ABPNews @ANI @the_viralvideos @ViralPosts5 @indiatvnews @TheQuint @SkyNews pic.twitter.com/ncekjhMeh1
— Mamun Khan (@Mk817Khan) August 20, 2021
سماجی رابطے کی ویب سائٹ پر ایک ٹھیلے والے کی ویڈیو وائرل ہورہی ہے جس میں گول گپے بیچنے والا شخص پانی میں اپنا پیشاب ملانے کی کوشش کررہا ہے، اس دوران وہاں موجود ایک شخص نے چھپکے سے ٹھیلے والے کی ویڈیو بناکر سوشل میڈیا پر اپ لوڈ کردی۔ رپورٹس کے مطابق یہ وائرل ویڈیو بھارتی ریاست آسام کے شہر گواٹی کی ہے جہاں سڑک کنارے پانی پوری بیچنے والا چھپ کر پانی پوری کے پانی میں اپنا پیشاب ملادیتا ہے تاہم اس کی یہ حرکت وہاں موجود ایک شہری اپنے موبائل فون میں ریکارڈ کرکے سوشل میڈیا پر اپ لوڈ کردیتا ہے۔
سوشل میڈیا پر اس ویڈیو کو اب تک 15 ہزار سے زائد لوگ دیکھ چکے ہیں اور یہ ویڈیو سیکڑوں بار شیئر بھی کی جاچکی ہے۔ بعد ازاں مامن خان نامی ٹوئٹر صارف نے اس ویڈیو کو شیئر کرتے ہوئے کیپشن میں لکھا ’’پانی پوری کے پانی میں اپنا پیشاب ملانے والے ٹھیلے والے کو پولیس نے گرفتار کرلیا ہے‘‘
