نائجیرین صدرکے بیٹےکی شادی، 100زائد طیاروں میں مہمانوں کی آمد

نائجیرین صدر کے بیٹے کی شاہی خاندان میں شادی دیکھ کر حکمران طبقہ بھی خوشگوار حیرت میں مبتلا ہوگیا۔

یوسف بوہاری اور زہرہ ناصر کی شادی میں اہم ملکی و غیر ملکی شخصیات نے 100 سے زائد نجی طیاروں میں شرکت کی، جس کے باعث ائیر پورٹ پر طیاروں کی قطاریں لگ گئیں۔ تقریب میں لوگ قیمتی ملبوسات پہنے نظر آئے جبکہ خوبصورت سجاوٹ اور روایتی افریقی دُھنیں بھی بکھیریں گئیں، شہر کانو کے شاہی محل میں ہزاروں مہمانوں کا شاندار استقبال کیا گیا۔

نائجیرین صدر کے بیٹے اور دلہن کی ملاقات برطانیہ میں دوران تعلیم ہوئی تھی، دلہن کا تعلق مذہبی گھرانے سے ہے۔ اس سے قبل نائیجیریا میں صدارتی اور شاہی خاندانوں کے درمیان ایسی شادی کی مثال نہیں ملتی۔ پرتعیش تقریبات کا سلسلہ ہفتے بھر جاری رہا۔ نائجیریا میں تقریبات کے دوران سکیورٹی کے سخت انتظامات کیے گئے تھے