پنجاب کے تعلیمی اداروں میں موسم سرما کی چھٹیوں کا اعلان کر دیا گیا. منڈی بہاءالدین سمیت پنجاب کے 24 اضلاع میں موسم سرما کی چھٹیوں کے سلسلہ میں سرکاری و غیر سرکاری سکولز کل 23 دسمبر 2021 سے 6 جنوری 2022 تک بند رہیںگے.
لاہور (اپنے سٹاف رپورٹر سے )صوبے کے24 اضلاع میں 23 دسمبر سے 6جنوری،باقی اضلاع میں 3سے 13جنوری تک چھٹیاں ہوں گی۔محکمہ سکول ایجوکیشن کے نوٹیفکیشن کے مطابق قصور، سیالکوٹ، نارووال، فیصل آباد، ساہیوال، گجرات، گوجرانوالہ، پاکپتن، شیخوپورہ، اوکاڑہ، وہاڑی، خانیوال، لاہور، خوشاب، حافظ آباد، ملتان، ٹوبہ ٹیک سنگھ، بہاولپور، بہاولنگر، سرگودھا، منڈی بہاؤالدین، لودھراں، ننکانہ صاحب اور جھنگ میں 23دسمبرسے 6جنوری تک چھٹیاں ہوں گی۔
راجن پور، لیہ، جہلم، میانوالی، اٹک، مظفر گڑھ، چکوال، بھکر، راولپنڈی، رحیم یارخان، ڈی جی خان، چنیوٹ کے تعلیمی ادارے 3سے 13جنوری تک بندرہیں گے ۔محکمہ ہائیر ایجوکیشن پنجاب کے نوٹیفکیشن کے مطابق تمام سرکاری و نجی ہائیر ایجوکیشن کے ادارے ،انسٹی ٹیوشنز میں 23دسمبرسے 6جنوری تک جبکہ پنجاب یونیورسٹی میں 24دسمبرسے 7جنوری تک تعطیلات ہوں گی
