پسند کی شادی اور مقدمہ بازی کی رنجش پر مختلف واقعات میں دو نوجوانوں کو موت کے گھاٹ اتار دیا گیا ملزم فرار مقدمات درج
ملک وال(نامہ نگار) تفصیلات کیمطابق تھانہ گوجرہ کے علاقہ ڈفر کے رہائشی تصور اقبال کے بھائی نے ملزم جاوید کدھر کی بھانجی سے کچھ عرصہ قبل پسند کی شادی کی تھی جس کا ملزم کو رنج تھا گزشتہ روز ملزم جاوید اور مقتول تصور کا آمنا سامنا ہوا تو دونوں میں تلخ کلامی ہو گئی جس پر ملزم جاوید نے کسی کے وار کرکے تصور اقبال کو قتل کر دیا گوجرہ پولیس نے مقدمہ درج کرکے تفتیش شروع کر دی ہے.
دوسرے واقعہ میں تھانہ ملک وال کے علاقہ کولوال کا رہائشی نوجوان قمر شاہ موٹر سائیکل پر ملکوال سے واپس گاؤں جا رہا تھا جب وہ بوائز ڈگری کالج کے قریب پہنچا تو گھات میں بیٹھے ملزموں نے فائرنگ کر دی جس سے قمر شاہ موقع پر ہی جاں بحق ہو گیا جبکہ ملزم فرار ہو گئے ملکوال پولیس نے معظم علی شاہ، محسن شاہ سمیت دیگر ملزمان کیخلاف مقدمہ درج کر لیا تاہم کوئی گرفتاری تاحال عمل میں نہیں آ سکی .
