شہر اور گردونواح میں بجلی کی اعلانیہ اور غیر اعلانیہ بدترین لوڈ شیڈنگ منگل اور بدھ کی درمیانی رات تیز ہوا کے باعث میانی فیڈر کی بجلی تمام رات بند رہی شہری بے حال ، بجلی پیداوار میں کمی کے باعث لوڈ شیڈنگ کرنا پڑ رہی ہے ترجمان گیپکو ملکوال
ملک وال(نامہ نگار) تفصیلات کیمطابق ملکوال شہر اور گردونواح میں شدید گرمی اور ماہ رمضان میں گیپکو نے بجلی کی چھ سے آٹھ گھنٹے اعلانیہ لوڈ شیڈنگ شروع کر دی ہے جبکہ منگل اور بدھ کی درمیانی رات تیز ہوائیں چلنے سے 132 کے وی گرڈ اسٹیشن ملکوال کے تمام فیڈرز کو غیر اعلانیہ طور پر بند کر دیا گیا
میانی فیڈر کی بجلی تمام رات بند بند رہی جبکہ اسلام پورہ فیڈر کی بجلی رات ساڑھے بارہ بجے بحال ہو سکی بجلی کی لوڈ شیڈنگ پر شہریوں نے شدید احتجاج کرتے ہوئے کہا کہ ماہ رمضان بجلی کی لوڈ شیڈنگ ناقابل برداشت ہے شہریوں نے وزیراعظم میاں شہباز شریف سے مطالبہ کیا کہ آئی پی ہیز کے واجبات فوری ادا کرکے بجلی کی سپلائی مسلسل بحال رکھی جائے
