وزیراعلیٰ عثمان بزدارکا انسان دوست اقدام،دکھی انسانیت کی خدمت کیلئے صوابدیدی فنڈز وقف. لیورٹرانسپلانٹ، بون میرو اور دیگر امراض میں مبتلا6 مستحق مریضوں کے علاج معالجے کیلئی96 لاکھ44 ہزار کے فنڈزجاری دکھی انسانیت کے زخموں پر مرہم رکھنا ایک عبادت ،جب تک اللہ تعالیٰ نے منصب دیا ہے، دکھی انسانیت کے دکھ بانٹتا رہوں گا‘ عثمان بزدار
منڈی بہاءالدین + لاہور(تازہ ترین – 14 دسمبر2021ء) وزیراعلیٰ پنجاب سردار عثمان بزدارکا ایک اور انسان دوست اقدام،وزیراعلیٰ عثمان بزدار نے دکھی انسانیت کی خدمت کیلئے صوابدیدی فنڈز وقف کر دیئے ہیں-وزیراعلیٰ عثمان بزدار کی ہدایت پر لیور ٹرانسپلانٹ، بون میرو اور دیگر امراض میں مبتلا6 مستحق مریضوں کے علاج معالجے کیلئی96 لاکھ44 ہزار روپے کے فنڈزجاری کر دئیے گئے-
منڈی بہاؤالدین کی رہائشی زاہدہ حماد کے بون میرو ٹرانسپلانٹ کیلئے 15 لاکھ روپے کے فنڈزفراہم کردئیے گئے- بون میرو کے مرض میں مبتلا زاہدہ حماد آرمڈ فورسز بون میرو ٹرانسپلانٹ سینٹر راولپنڈی میں زیر علاج ہے- محلہ پیر عبدالرحمن لاہور کینٹ کے رہائشی عادل منیر کے لیور ٹرانسپلانٹ کیلئے 25 لاکھ 94 ہزار روپے کے فنڈز کا اجراء کر دیا گیاہے- لیورٹرانسپلانٹ کے مرض میں مبتلا عادل منیر پاکستان کڈنی اینڈ لیور ٹرانسپلانٹ انسٹی ٹیوٹ میں زیر علاج ہے-
ایبٹ روڈ سیالکوٹ کے رہائشی محمد شفیق کے کینسر کے علاج معالجے کیلئے 15 لاکھ روپے کے فنڈز جاری کئے گئے- کینسر کے مرض میں مبتلا محمد شفیق کا علاج جناح ہسپتال لاہور میں ہو رہا ہے- بدر کالونی پتوکی ضلع قصور کے رہائشی قوت سماعت سے محروم احمد نبیل کے علاج معالجے کیلئے 13 لاکھ 50 ہزار روپے کے فنڈز کا اجراء کیا گیا- Cochlear Implant کے مریض احمد نبیل کا علاج چلڈرن ہسپتال لاہور میں ہو رہا ہے- اعظم گارڈن ملتان روڈ لاہور کے رہائشی قوت سماعت سے محروم محمد برہان کے علاج معالجے کیلئے 13 لاکھ 50 ہزار روپے کے فنڈز کا اجراء کردیا گیا-
Cochlear Implant کے مریض محمد برہان کا علاج چلڈرن ہسپتال لاہور میں ہو رہا ہے- وفاقی کالونی جوہر ٹاؤن لاہور کی رہائشی قوت سماعت سے محروم ام ہانی کے علاج معالجے کیلئے 13 لاکھ 50 ہزار روپے کے فنڈز کا اجراء کردیا گیا- Cochlear Implant کی مریضہ ام ہانی کا علاج چلڈرن ہسپتال لاہور میں ہو رہا ہے- وزیراعلیٰ عثمان بزدار نے کہاکہ دکھی انسانیت کے زخموں پر مرہم رکھنا ایک عبادت ہے.
