منڈی بہاؤالدین پھر لہو لہان:کیسے کیسے نوجوان انا، دشمنی کی بھینٹ چڑھ رہے ہیں۔
چک فتح شاہ میں فائرنگ سے ذوہیب اسلم جاں بحق. ذوہیب کا تعلق موجیانوالہ سے تھا۔ منڈی والو، چھوڑ دیں یہ سب کچھ۔ بیٹے کیسے جوان ہوتے ہیں ذرا ماوں سے پوچھیں۔
تفصیلات کیمطابق موجیانوالہ کا رہائشی ذوہیب گجر اپنے قریبی دوست جس کا تعلق ساہی فیملی سے ہے کیساتھ چک فتح شاہ دوست کے کزن کے پاس جارہا تھا کہ چک فتح شاہ گاؤں پہنچ کر انکا ٹاکرا راستے میں ہی نوید لوہار کیساتھ ہو گیا۔
دوست کے کزن اور نوید لوہار کی آپس میں گہری رنجش تھی جس پر دونوں فریقین کی آپس میں تلخ کلامی ہو گئی تو نوید لوہار سکنہ چک فتح شاہ نے فائر کردیا جو کہ ذوہیب گجر کے پیٹ میں لگا جس سے وہ شدید زخمی ہوگیا جسے زخمی حالت میں ہسپتال منتقل کیا جارہا تھا کہ راستے میں ہی زخموں کی تاب نہ لاتے ہوئے ذوہیب گجر جان کی بازی ہار گیا۔
پولیس تھانہ صدر نے موقع پر پہنچ کر تفتیش کا آغاز کردیا۔ ایس ایچ او تھانہ صدر امان اللّٰہ گوندل کا کہنا ہے کہ ملزمان کی گرفتاری کے لیے چھاپے مارے جارہے ہیں جلد ہی ملزمان کو گرفتار کرکے قانون کے کٹہرے میں کھڑا کرینگے۔
